लूका 19:5 - थुलुङ राई

⁵ येशू मेसिन्‍डा रोम्‍फाम्‍डी, मा गुमीका जखायसथो़ रेप्‍मिडिमा र्‍वाम्‍डी, “ए जखायस, दाला लुकामा योका, हेङालोने आनेप गो इमा नेमडा बुमु बासिक्‍पा बु।”

लूका 19:5 Referans Kwoze

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

यूहन्‍ना 1:48

नथानेलका येशूनुङ हिलाबु़डु़, “गानी गोलाई हेसाका येट्‌ङिडिनी?” येशूका मेरामलाई र्‍वाम्‍डी, “फिलिपका गानालाई येन्‍मु ङादो बैससीकु धक्‍सा फारगोयु़ बान्‍नाम ल्‍वान्‍नी।”

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

लूका 19:2

मेराम शहरडा जखायस नङकाम कोले कर फक्‍पामिमकु ङाउ बाइडा। गु छो़म खाप्‍चीनुङमा बाइडा।

लूका 19:4

मेम्‍मिमका येशूलाई रेम्‍मु लागि गु ङादो-ङादो लस्‍तामा कोले बैससीकु धक्‍साडला हुङडा। हेङालोने येशू मेराम लाम्‍दीभालङा बिक्‍तोङा बेम्‍डी।

लूका 19:6

गु लुक्‍तामा योक्‍ल्‍याड्‌डा। मेकोतिमा छो़म गेर्सिद्‌वाक्‍तो गुमीलाई उमा नेमडा येड्‌डु़।