लूका 19:47 - थुलुङ राई

⁴⁷ मेकोतिमा येशूका हेल्‍लो लोवो सो़रनेमगोडा सीन्‍थाल्‍मिडी। लावो ङाउ डु़म्‍लाचो़मिम, यहूदीकु डु़म्‍ला सीपा पातु़म्‍रीमिम मा यहूदीकु ङाउमिमका गुमीलाई सेन्‍मु माल्‍थाल्‍मिडी।

लूका 19:47 Referans Kwoze

मर्कूस 11:18

मेकोतिमा ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमका ओराम थो़म्डिमा येशूलाई हेसाका सेन्‍मु र्‍वाक्‍पा खाप रेम्‍मु चो़म्‍मिडी। लावो मेर्मिम गुमीनुङ ङिम्‍डिम बाइडा, हेङालोने सेर्पा मु़चु़मिम खोत्‍ले ङा उनी सीसिडाम ङाङाया दु़म्‍मिडिम बाइडा।

मत्ती 26:55

मे सेर्पा मु़चु़लाई येशूका र्‍वाम्‍डी, “हाम गो कोर्थो़लाम बक्‍पा ङिमलु़पा मु़चु़ मा! कातु़रु़मिम नुङ डु़लु़म्‍चो़मिम रेसाका गोलाई चु़म्‍डा रोक्‍निम? गानी गोलाई हेङा सो़रनेमगोडा मेचु़म्‍ङिनिवा? सीत्तो हेल्‍लो लोवो गो मेसिन्‍डाङा बाङडोम बाइडा।

यूहन्‍ना 18:20

येशूका र्‍वाम्‍डी, “सु़म्‍दिसेरडा खोत्‍लेकु ङादोडा गो जेङडोम बु। यहूदीमिम खोम्‍सिमिमिम घ्रो़म्‍दीनेममिम नुङ सो़रनेमबाडे गो हेल्‍लो लोवो सीत्तोमी। थसिक्‍साका गो हाम वो र्‍वाङडोम मिबु।

यूहन्‍ना 10:39

मेर्मिमका आथावो गुमीलाई चु़म्‍मु माल्‍मिडी, लावो गुमी मेर्मिमलामका स्‍वाम्‍डी।

यूहन्‍ना 7:44

कोङनिमका ने गुमीलाई चु़म्‍मु वो माल्‍मिडी, लावो सु़का वो गुमीडला ल्‍वा मेफिक्‍मिवा।

यूहन्‍ना 7:19

हाम मोशाका गानीलाई डु़म्‍ला ग्‍वाक्‍निमी मेएँ मा? मावो गानी सु़वो मेराम डु़म्‍ला होम्‍साका मेदोनी। हेङा गानी गोलाई सेन्‍मु माल्‍ङिनी?”

मर्कूस 14:1

मेरामकु नलेम चङडा सेल्‍सिमु-नेम नुङ लङखाम मान्‍थिम सो़बेम पेपा नेम बाइडा। मेम्‍लोका ङाउ डु़म्‍लाचो़मिम नुङ यहूदीमिमकु डु़म्‍ला सीपा पातु़म्‍रीमिमका येशूलाई हेसाका चु़म्‍मुमा सेन्‍मु र्‍वाक्‍पा खाप रेम्‍बाल्‍मिडी।

मर्कूस 12:12

मेकोतिमा मेर्मिमका येशूलाई चु़म्‍मु माल्‍मिडी, हेङालोने ओराम सीसि-सो़म्‍दी उनीमा दुथाम ङा सो़म्‍डिम र्‍वाक्‍पा मेर्मिमका थेसिथेट्‌मिडी। लावो मे सेर्पा मु़चु़मिमडाम ङिम्‍डिमका गुमीलाई डिन्‍जो़ल्‍मिडिमा लम्‍ल्‍याम्‍डी।

मत्ती 21:23

येशू सो़रनेमगोडा हुम्‍डी, मा सीत्तोङा लेट्‌मिडी। मेकोतिलो ङाउ डु़म्‍लाचो़मिम नुङ ङाउमिम उनीमाडा रोम्‍डिमा र्‍वाम्‍डी, “ओर्मिम खारीमिम सु़का इमा मुलु़गोनो जु़ल्‍लु़म बु मा गाना बोनामिम? गानालाई सु़का ओराम साखाम ग्‍वाक्‍ना?”

मर्कूस 14:49

हेल्‍लो लोवो सो़रनेमगोडा सीत्तो गो गानीनुङ ङा बाङथाल्‍ङोडो मा मेकोतिलो गानी गोलाई मेचु़म्‍ङिनिवा, लावो माम्‍चु़नीकु-सिजेम होम्‍साकाङा रोक्‍थिड्‍डा।”

लूका 19:48

मेमङा लोवो मेर्मिमका गुमीलाई सेन्‍मु बासिक्‍पा ल्‍वा हाम वो मेडार्मिवा, हेङालोने खोत्‍ले मु़चु़मिमका गुमीका सीट्‌मिडिम ल्‍वा न सोक्‍साका जो़होमका थो़म्‍थाल्‍मिडी।

लूका 20:19

मेकोतिमा यहूदीकु डु़म्‍ला सीपा पातु़म्‍रीमिम नुङ ङाउ डु़म्‍लाचो़मिमका ओराम सीसि-सो़म्‍दी आकी कोर्थो़लाम र्‍वाक्‍तो लेन्‍मी र्‍वाक्‍पा चम्‍डी। मेम्‍मिमका मेर्मिमका मेकोतिलोङा येशूलाई चु़म्‍मु माल्‍मिडी। लावो मे मु़चु़मिमडाम मेर्मिम ङिम्‍डी।