लूका 19:42 - थुलुङ राई

⁴² “गानी हाम बेनिवामा माम्‍चु़नीकु न भ्रसी र्‍वाक्‍पा यरूशलेमडाम मु़चु़मिमका चक्‍निवाम माला नु़यावा। लावो ओम्‍लो इनी मिक्‍सी ड्‌यास्‍ताम बु।

लूका 19:42 Referans Kwoze

हिब्रू 3:15

माम्‍चु़नीकु सिजेमडा र्‍याक्‍मा बु: “आनेप गानी माम्‍चु़नीकु लो़लाम थो़न्‍नी माला इनीमा बेप-पापमिम माम्‍चु़नीकु कोर्थो़लाम बम्‍डिम होम्‍साका गानी लु़म्‍ला मेबेडिचो़ मेदु़म्‍नी।”

थु़र्मा 10:36

गानी ओराम ल्‍वा चनिमिम ङा बु, माम्‍चु़नीका न भ्रसिबेट्‌पा जो़पा-सेला सो़प्‍डा येशू ख्रीष्‍टलाई गुकु इस्राएलीमिमकाडा थु़र्मिडी। गुमी ङा खोत्‍ले मु़चु़मिमडला साखाम थो़पा ङाचो़ सो़।

हिब्रू 3:13

हेल्‍लो लोवो गानी इनी त्‍वाप त्‍वापगोडा सो हन्‍बेबोमु बासी। मेम्‍मा “आनेप” र्‍वाकिमिम खोत्‍ले थारीसम्‍म गानी मेमङा बेनिम बानी। मेम मेबेनिवा माला गानीगोडाम कोङनिमका छु़लगोनो फोसो़ वाम्‍निमा लु़म्‍ला मेबेडिचो़ दु़म्‍बेनी।

लूका 19:44

मेकोतिमा मेर्मिम मु़चु़का इनी शहर फाल्‍मी, मा मेगोडा बाट्‌पा गानी खोत्‍लेलाई सेनिमी। मेगोडा चिर्मा कोले लुङ वो मेर्मिमका मेजु़ल्‍मी। हेङालोने माम्‍चु़नीका गानीलाई सेल्‍ला योम्‍डिम जो़पा थारीडा थो़रलु़मु गानी मेद्‌वानिवा।”

थु़र्मा 13:46

पावल नुङ बारनाबासका मेङिसाका र्‍वाक्‍ची, “माम्‍चु़नीकु सिजेम ङादो गानीलाई ङा थो़बेन्‍मु बासिक्‍पा बाइडा, लावो गानी मेद्‌वानिवा, मा इनी त्‍वाप ङा हेल्‍लो वो मेसिपा त्‍वारो़म ल्‍वामु मेघ्रेट्‌पा दु़म्‍नी। मेम्‍मिमका आथा ने गुचुकु वाङसामामिमकाडा लचुकु।

हिब्रू 3:7

मेम्‍मिमका माम्‍चु़नी-पेलका आरे र्‍वामी, “आनेप गानी माम्‍चु़नीकु लो़लाम थो़न्‍नि माला,

लूका 19:41

येशू यरूशलेम फार्डा रोम्‍फाम्‍डी, मा मे शहर ल्‍वाम्‍डिमा ख्राप्‍मिडी,

लूका 19:43

गानीडला आरेप्‍माम थारी रो, इनी स्‍वाक्‍चिमो मु़चु़मिम इनी शहरकु होनोलाम-आथो़लाम ब्रोलुङ चिर्मी, मा गानीलाई बालाम वो स्‍वामु मेग्‍वानी।