लूका 19:38 - थुलुङ राई

³⁸ “मिप्रङमाकु नङडा योक्‍पा हप आलाकाम सो़। माम्‍चु़नी नुङ मु़चु़कु न-गो भ्रसिनु़ मा पाह्रीला माम्‍चु़नीकु यु़म-झ्‍वानु़।”

लूका 19:38 Referans Kwoze

लूका 13:35

रेप्‍नी, माम्‍चु़नीका गानीलाई डिट्‌निमिम बु। गो गानीलाई र्‍वाङु, हाम्‍सिसम्‍म गानी ‘मिप्रङमाकु नङडा रोक्‍पा आलाकाम सो़’ मेर्‍वानी मेम्‍लोसम्‍म गानी गोलाई मेल्‍वाङिनी।”

मत्ती 21:9

येशू मु़चु़मिमकु थेतेडा बाम्‍डी, मा उनी होनोलाम-आथो़लाम बाट्‌पा खोत्‍ले मु़चु़मिमका आरे र्‍वाक्‍तो येम्‍डी, “दाऊदकु तारापाचो़लाई होसन्‍ना! मिप्रङमाकु नङडा योक्‍पा गुमी जिनुङमा सो़! येप्‍पा पाह्रीलाम माम्‍चु़नीलाई होसन्‍ना!”

१ पत्रुस 1:12

माम्‍चु़नीका गुमीलाम-जेपामिमका जेम्‍डिम ल्‍वा मेर्मिमलाई जो़पा दु़म्‍पा मेएँ, लावो इनीमा लागि सो़ र्‍वाक्‍पा मेर्मिमनुङ रेम्‍बेम्‍डी। पाह्रीलामका माम्‍चु़नीका थु़र्मिडिम माम्‍चु़नी-पेलकु यु़मलामका मेर्मिमका गानीलाई थेसिथेन्‍बेट्‌निम बाइडा। ओराम ल्‍वा थेसिथेन्‍मु पाह्रीचो़मिमकाम वो छो़म उनी न बु।

१ तिमोथी 1:17

हेल्‍लो लोवो साखाम थो़पाम बाट्‌पा हप, हाम्‍सी वो मेसिपा, मा मिक्‍सीका ल्‍वामु मेझापा कोले कोङङा माम्‍चु़नीकाम हेल्‍लो लोवो उनीमा नङ कोसिनु़, मा उनीमा यु़म-झ्वानु़! आमेन।

एफिसी 1:12

ख्रीष्‍टडा खोत्लेडाम ङादो थो़र बेपा गुकु यहूदीमिमका यु़म झ्वाक्‍पा माम्चु़नीकु नङ कोमु चाम्‍कुनु़ र्‍वाक्‍साका गुमीका गुकुलाई छेत्तिकिमिम बु।

मत्ती 25:34

“मेकोतिमा हपका उ जो़पलाममिम मु़चु़मिमलाई र्‍वा, ‘आमा पापका जिनुङमा दु़म्‍बेट्‌निम मु़चु़नी, बिक्‍नी, सु़म्‍दिमोलोमङा इनीमा लागि दु़म्‍जो़ल्‍पा किब्‍दी रनी।

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

रोमी 5:1

मेम्‍मिमका थो़रलाम जो़पा न-गोकाम दु़स्‍तिम बु मा इकीमा ङाचो़ येशू ख्रीष्‍टलाम माम्‍चु़नीनुङ इकीमा न-थो़म घ्रो़म्‍बेसाड्‍डामिम बु।

कलस्‍सी 1:20

माम्‍चु़नीका क्रूसडला ख्रीष्‍ट सासेन्‍सिम्‍डिम सिसिका न-थो़म घ्रो़म्‍बेसाका सुबुडाम नुङ पाह्रीलाम खोत्‍लेलाई ख्रीष्‍टलामका गुमीनुङ कोदेप बोमु वो द्‍वाम्डी।

एफिसी 3:21

येशू ख्रीष्‍टलाम मण्‍डलीडा खोत्‍लेका हेल्‍लो लोवो कोमिनु़। आमेन।

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

मत्ती 2:2

“यहूदीमिमकु मालो गक्‍पा हप बान्‍ते बुमी? गुमी गम्‍डिम र्‍वाक्‍पा पूर्वनो धामुला सोरलुङ ल्‍वासाका चक्‍तोको। मेम्‍मिमका गुमीलाई डोक्‍पु मिम्‍साका सेव साड्‌डा रोक्‍तोकोम।”

मत्ती 25:40

“मेकोतिमा हपका मेर्मिमलाई र्‍वा, ‘आच्‍छाङा गो गानीलाई र्‍वाङु, गानी ओ आमा जाउमो, तारापा वा-ल्‍वाकमिमगोडाम खोत्‍लेडाम याक्‍के कोलेलाई ओराम बेन्‍निमङा गानी गोलाई बेङ्‌डिनिम सो़।’