लूका 19:21 - थुलुङ राई

²¹ गो गानीडाम छो़म ङिङ्‌डो, हेङालोने गानी सिपे-लेम्‍पेडा जु़ल्‍पा मु़चु़ बुनी। गानी मेडु़प्‍निवाम खउलुङ रनी, मा गानी त्‍वाका मेख्‍लिनिवाम मा-के वो रु़म्‍निमा लनी।’

लूका 19:21 Referans Kwoze

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

१ यूहन्‍ना 4:18

रिखामडा ङिम मेदु़म, लावो माम्‍चु़नीकु न होङङा दु़म्‍पा गुइगोडाम रिखामका ङिम कोलु़। देन्‍देका मु़चु़लाई ङिबेडु़ मा उहेम मु़चु़ ङि मेराम मु़चु़ माम्‍चु़नीकु न होङङा दु़म्‍पा रिखामडा मेदु़म।

याकूब 2:10

हेङालोने उहेमका खोत्‍ले डु़म्‍ला होम्‍साका बु़, मा कोले ल्‍वा कोङङा डु़म्‍ला होम्‍साका मेबु़ माला मेरामका खोत्‍ले डु़म्‍ला होम्‍साका मेबु़वामका मुमा बेन्‍ला सो़सी।

२ तिमोथी 1:7

हेङालोने माम्‍चु़नीका गुइलाई ङिमलु़बेट्‌पा न मेएँ, लावो यु़म, रिखाम नुङ त्‍वापलाई जो़होमका जु़ल्‍पा न ग्‍वाक्‍साड्‌डामिम बु।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

रोमी 8:7

मिरो़मडाम नसीहोमका दोपा मु़चु़ माम्‍चु़नीकु कोर्थो़लाम बमिम दु़म। हेङालोने गुका डु़म्‍ला होम्‍साका बु़डु़म मेदु़म मा डु़म्‍ला होम्‍साका दोमु वो मेचाप्‍सु़।

लूका 19:20

“कोङमी डु़ल्‍चो़ रोक्‍तामा आरे र्‍वाक्‍ता, ‘ङाचो़, रेप्‍नी, इनी सो़नाकु खउलुङ आसिन्‍डा बु। ओराम खउलुङ गो रुमालडा बत्तोमा जु़ल्‍तोम बाइडा।

लूका 19:22

“हपका मे डु़ल्‍चो़लाई र्‍वाक्‍ता, ‘गाना इ सिलामका लुक्‍ताम ल्‍वालामकाङा गो मुमा बेनी, ए मेजो़पा न-गोनुङमा डु़ल्‍चो़ बाम आमा मेएँ मेराम रपा, मा हाम मेख्‍लिउवाम बु मेराम रु़पा गो आ न-थो़म मान्‍थिम मु़चु़ बुङु र्‍वाक्‍साका गाना चनामङा बाइडा।