लूका 18:7 - थुलुङ राई

⁷ हाम नेम्‍फु सिन्‍था माम्‍चु़नीकु नङडा सो़म्‍दी बेपा उनी मु़चु़मिमकाम माम्‍चु़नीका निया मेबोम्‍सामी मा? हाम मेर्मिमकाम लागि निया बोमु गुमी छु़मी मा?

लूका 18:7 Referans Kwoze

२ पत्रुस 3:9

ङाचो़का याचे जेम्‍डिमडा गुमी छु़मी र्‍वाक्‍पा याङ-याङकु थेसिथेसी होङङा ङाचो़ मेछु़मी। सु़ वो पुयु़मेलुमिनु़, लावो खोत्‍लेका मेजो़पा खारी बोमु डिन्‍मिनु़मा गुमीडा ख्‍लोम्‍सिमिनु़ र्‍वाक्‍साका गुमीका गानीलाई इम्‍साका लम्‍थामी।

लूका 11:13

मेम्‍मिमका गानी छु़लचो़ बुनीमा वो इनी चो़मिमलाई जो़पा-जो़पा ल्‍वामिम ग्‍वामु थेनी माला पाह्रीलाम इनी माम्‍चु़नीका गुमीनुङ बिपा मु़चु़मिमलाई हाङको छो़म उनी-पेल ग्‍वामी।”

१ तिमोथी 5:5

उहेम आच्‍छाङा अर्दोमे बु, मा मेरामकाम सु़ वो मेबुमी माला, मेरामका माम्‍चु़नीलाम हाम-हुम ल्‍वापा नका नेम्‍फु सिन्‍था याक्‍के दु़म्‍साका ख्‍लो़ला सो़म्‍सिमु सो़म्‍दी बु़।

रेम्‍बेट्‌मिडिम ल्‍वा 6:10

मेर्मिमका आरे र्‍वाम्‍डिमा डोक्‍पु लो़लामका येम्‍डी, “खोत्‍लेडलाम यु़मनुङमा, सेपा नुङ आच्‍छाङाम ङाचो़, ओ सुबुडा बाट्‌पा मु़चु़मिमकाम हाम्‍सिसम्‍म निया मेबोनी, मा गुकुलाई सेत्तिकिमकु छोक्‍चो मेहानिमिम?”

२ थेसलोनिकी 1:6

माम्‍चु़नीका जो़होमका निया बोमी, उहेम मु़चु़मिमका गानीलाई दु़खा ग्‍वानी, गुमीका वो मेर्मिमलाई देन्‍दे ग्‍वामी।

लूका 2:37

मा अर्दोमे दु़स्‍तामा लेत-ब्‍ल (८४) थ रोक्‍थिड्‌डाम बाइडा। गुका हेल्‍लो वो सो़रनेम मेडिथालु़वा, मा उपास बासाका नुङ सो़म्‍दी बेसाका नेम्‍फु सिन्‍था माम्‍चु़नीकु सो़रलोले बु़थाल्‍लु़।

मत्ती 7:11

गानी छु़लचो़ बुनिमा वो इनी चो़मिमलाई जो़पा-जो़पा ल्‍वामिम ग्‍वामु थेनी। मेरामडाम वो पाह्रीलाम माम्‍चु़नी इनी पापका गुमीनुङ बिपा मु़चु़मिमलाई हाङको हापा जो़पा ल्‍वामिम ग्‍वामी।

रेम्‍बेट्‌मिडिम ल्‍वा 18:20

ए पाह्रीला बाट्‍पानी, ओरामकाम रसो़म हाट्‌नी! माम्‍चु़नीकु मु़चु़नी, थु़र्मानी, माम्‍चु़नीलाम जेपानी रसो़म हाट्‌नी। गुका गानीलाई हाम बेन्‍नी मेम्‍साकाङा माम्‍चु़नीका गुलाई देन्‍दे ग्‍वाम्‍डिम बु।”

१ थेसलोनिकी 3:10

गानीनुङ आथावो घ्रो़म्‍मु मा गानीलाई छो़म थो़रलु़मुडा ख्‍लो़मु लागि नेम्‍फु सिन्‍था सो़म्‍दी बोकुम बुकु।

कलस्‍सी 3:12

माम्‍चु़नीका गानीलाई उनीमा मु़चु़ दु़म्‍मु छेट्‌निमी, उनीमा नङका साट्‌निमी, मा रिखाम बेन्‍निमी। मेम्‍मिमका नाम्‍नाम्चो़ लु़पा, न-थो़मनुङमा, याक्‍के दु़म्‍पा, मेक्रोक्‍पा दु़म्‍पा मा इम्‍सिक्‍पा दु़म्‍नी।

रोमी 8:33

माम्‍चु़नीका छेट्‌मिडिम मु़चु़लाई सु़का मुमा बेन्‍मु चाप्‍सु़ मा? माम्‍चु़नी उनी त्‍वाकाङा मुमा मान्‍थिम दु़म्‍बेट्‌मिडिम बु।

रेम्‍बेट्‌मिडिम ल्‍वा 7:15

मेम्‍मिमका, ‘मेर्मिम माम्‍चु़नी हप गन्‍खोप ङादोडा बुमी मा माम्‍चु़नीकु सो़रनेम गोडा नेम्‍फु सिन्‍था मेर्मिमका उनीमा लाले-पाङके बोमी, मा हप गन्‍खोपडा गन्‍पा गुमीका मेर्मिमलाई उनी त्‍वापनुङङा बुमु खोम ग्‍वामी।

तीतस 1:1

माम्‍चु़नीकु डु़ल्‍चो़ नुङ येशू ख्रीष्‍टकु थु़र्मा गो पावलका ओराम सेलाखाजेम र्‍याक्‍तोङा बेउ। उनीमा मु़चु़मिमलाई छो़म थो़र लु़बेसाका नुङ आच्‍छाङाकु सिजेम थेसिथेन्‍बेसाका उनीमा लाम्‍दीडा लाम्‍दिबेन्‍मु लागि माम्‍चु़नीका गोलाई थु़र्ङिडिमिम।

२ तिमोथी 1:3

हेल्‍लो लोवो गो गानालाई सो़म्‍दीडा मिम्‍निलो माम्‍चु़नीलाई आलासो़ ग्‍वाक्‍पुमी। आमा ङाउ-खुउमिमका बेम्‍डिम होम्‍साका गो उनीमा जो़पा नेप्‍चीका लाले-पाङके बेउ।

मत्ती 24:22

मेराम थारी माम्‍चु़नीका मेछु़प्‍मिवाम माला ने सामनुङमा सु़वो मेदु़म्‍मिवा। लावो गुमीका थुट्‌मिडिम मु़चु़मिमकाम लागि मेराम थारी छु़प्‍मी।

मत्ती 24:24

हेङालोने ख्रीष्‍ट लिसिक्‍पामिम नुङ माम्‍चु़नीलाम-जेपा लिसिक्‍पामिम लुमी। मेम्‍मा झापा माला माम्‍चु़नीका उनी मु़चु़ दु़म्‍मु छेट्‌मिडिम मु़चु़मिमलाई वो ताङताहेरथो़ लमु लागि डोक्‍पुतो छेखोपमिम नुङ यु़मखारीमिम रेम्‍बोमी।

लूका 21:28

मेम्‍मिमका ओर्मिम ल्‍वा दु़म्‍मु चो़म्‍डु़मेडे गानी मेङिनी। मेकोतिमा बक्‍निमा गेले रेप्‍नी, हेङालोने गानी सेल्‍सिट्‌पा थारी रोक्‍फाड्‌डाम दु़म।”

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

१ पत्रुस 1:1

येशू ख्रीष्‍टकु थु़र्मा पत्रुसका, पोन्‍टस, गलातिया, कापाडोकिया, एशिया नुङ बिथिनिया क्षेत्रडा फोन्‍सिक्‍साका वाङथो़लाम रोक्‍पामिम होङङा बाट्‌पा माम्‍चु़नीका छेट्‌मिडिम मु़चु़मिमलाई ओराम सेलाखाजेम र्‍याक्‍तोङा लेट्‌पु।