लूका 18:43 - थुलुङ राई

⁴³ मेकोतिलोङा गुका उ मिक्‍सीका ल्‍वास्‍ल्‍याड्‌डु़, मा माम्‍चु़नीकु नङ कोक्‍तो येशूकु चङचङ लाम्‍दीडा। ओराम ल्‍वाम्‍डिमा खोत्‍ले मु़चु़मिमका वो माम्‍चु़नीकु नङ कोम्‍डी।

लूका 18:43 Referans Kwoze

गलाती 1:24

आरेसाका माम्‍चु़नीका आमा न ख्‍लोङसाङ्‌डिमिमका मेर्मिमका माम्‍चु़नीकु नङ कोम्‍डी।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

थु़र्मा 4:21

मेर्मिमका मेर्चिपलाई देन्‍दे ग्‍वामु मेजो़पा ल्‍वा हाम वो मेल्‍वामिवामका ङिम साट्‌मिडिचिमा थु़र्सोम्‍डिची। हेङालोने हाम खारी दु़स्‍ताम बाइडा मेरामकु दुथाम खोत्‍ले मु़चु़मिमका माम्‍चु़नीकु नङ कोम्‍डिम बाम्‍डी।

लूका 13:17

गुमीका आरे र्‍वाम्‍डिम थो़म्‍डिमा उनी कोर्थो़लाम बक्‍पा मु़चु़मिमकाम क्रो़म लु़डा। लावो गुमीका हेल्‍लो वो मेल्‍वाम्‍मा खारीमिम बेम्‍डिम ल्‍वाम्‍डिमा मु़चु़मिम ने गेर्सिद्‌वाम्‍डी।

लूका 5:26

मेम्‍मा खोत्‍ले मु़चु़मिम छो़म ङाङाया दु़म्‍मिडिमा माम्‍चु़नीकु नङ कोम्‍डी। मेकोतिमा ङित्तो आरे र्‍वाम्‍डी, हेल्‍लो वो मेल्‍वाम्‍मा ल्‍वा गुइ आनेप ल्‍वास्‍ती।

लूका 4:39

गुमी उमा फार्डा लम्‍डिमा मे डार्चु़मोलाई डिन्‍बेट्‌मिडी, मा मे डार्चु़मोका डिट्‌ल्‍याट्‌डु़। मेकोतिमा गु बक्‍तामा उनीमा चापे-डुपे बु़साड्‌डु़मी।

मत्ती 21:14

मिक्‍सीका मेल्‍वापा नुङ खेल सोक्‍पा मु़चु़मिम सो़रनेमगोडा येशूकाडा रोम्‍डी, मा गुमीका मेर्मिमलाई सबेट्‌मिडी।

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

लूका 19:37

येशू जैतून पोप्‍चङ धालु़म लाम्‍दीडा रोम्‍थिम्‍डी। मेकोतिलो सेर्पा उनी सीसिपामिमका गुमीका बेम्‍डिम खोत्‍ले यु़मखारी ल्‍वाम्‍डिमका गेर्सिद्‌वाक्‍तो डोक्‍पु लो़लामका माम्‍चु़नीलाई आलासो़ ग्‍वाक्‍तो उनी नङ कोमु चो़म्‍मिडी।

लूका 9:43

माम्‍चु़नीकु छो़म डोक्‍पु यु़म ल्‍वाम्‍डिमा मे सेर्पा मु़चु़मिम ङाङाया दु़म्‍मिडी। येशूका बेम्‍डिम खोत्‍ले खारीडा मेर्मिम ङाङाया दु़म्‍मिडिम बाम्‍डिलो गुमीका उनी सीसिपामिमलाई र्‍वाम्‍डी,