लूका 18:23 - थुलुङ राई

²³ लावो ओराम ल्‍वा थो़स्‍तु़मा मे यहूदी ङाउका उ ङाली डस्‍तु़, हेङालोने गुनुङ छो़म खाप्‍ची बाइडा।

लूका 18:23 Referans Kwoze

१ यूहन्‍ना 2:15

सु़म्‍दिसेरलाई लोवो सु़म्‍दिसेरडा बाट्‌पामिमलाई लोवो रिखाम मेबेनी। कोङनिमका सु़म्‍दिसेरलाई रिखाम बु़ माला माम्‍चु़नी पापलाई गुका रिखाम मेबु़।

लूका 21:34

“गानी चङचङया बानी, भ्रपा-भ्रपा पेत्तो नुङ डु़का सेसाका मा इनी मिरो़मकाम लागि मिम्‍ताम-सो़र्ताम बेपा मेदु़म्‍नी। मेम बेन्‍नी माला ने हादीबारामिम पेरडा हुमिमिम होङङा निया दु़म्‍पा थारी कोचोत्ति गानीडला रो।

लूका 12:15

गुमीका मेसिन्‍डा खोम्‍सिक्‍पा मु़चु़मिमलाई र्‍वाम्‍डी, “गानी चङचङया बानी वो, खोलेम थोक रारी बोमुडाम वाङ बानी, हेङालोने हापा खाप्‍चीनुङमा मु़चु़ बु, लावो मेराम मु़चु़का त्‍वारो़म ने मेग्‍वाकु़।”

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

मर्कूस 10:22

ओराम ल्‍वा थो़स्‍तु़मा मेरामका उ ङाली ङा डस्‍तु़, मा उ गो जक्‍ल्‍याट्‌पा लस्‍ता, हेङालोने मेराम छो़म खाप्‍चीनुङमा बाइडा।

मत्ती 19:22

लावो मे स्‍वालाका ओराम ल्‍वा थो़स्‍तु़मा उ ङाली डक्‍साका लस्‍ता। हेङालोने मेरामनुङ हापा खाप्‍ची बाइडा।

कलस्‍सी 3:5

मेम्‍मिमका ङादो सु़म्‍दिसेरडाम मु़चु़मिम बान्‍निलो बेन्‍निम मेजो़पा इनी न सेट्‍नी। मेर्मिम ने, नाम्‍सु़रु़ बेसी, घ्राम्‍लु़पा खारी बेसी, वाङमिम मेसेमनुङ छो़म अमअम द्‌वाक्‍पा न, मेजो़पा खारी बेपा न, रारी बेसी। रारी बोमु ने ङाटा सेव सान्‍मु होप्‍मामङा सो़।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

एफिसी 5:5

गानी ओराम ल्‍वा चमुङा बासी: नाम्‍सु़रु़चो़, मेसेपा मु़चु़ नुङ रारीचो़, माम्‍चु़नी नुङ ख्रीष्‍टकु किब्‍दीगोनो हुमु मेल्‍वासु़। रारी बोमु ने ङाटा सेव साट्‍पा छु़ल होप्‍माम सो़।

लूका 19:8

मेकोतिमा जखायस येस्‍तामा ङाचो़ येशूलाई र्‍वाक्‍ता, “रेप्‍नी, ङाचो़, गो आमा को फ्‍वा खाप्‍ची उनी हाम वो मेबाट्‌पा मु़चु़मिमलाई ग्‍वाक्‍पुमी, मा कोङनिम मु़चु़लामका कर फमु थारीका लु-फेले बेसाका रउतोम बु माला गो मेरामकाम ब्‍ल गुणा ख्‍लोक्‍साक्‍पु।”

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 18:24

मेकोतिमा मेरामका उ ङाली डस्‍तु़म येशूका ल्‍वाम्‍डी। मेम्‍मिमका गुमीका र्‍वाम्‍डी, “खाप्‍चीचो़ ने माम्‍चु़नीकु किब्‍दीगोडा हुमु छो़म छो़पा दु़म।