लूका 18:22 - थुलुङ राई

²² ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 18:22 Referans Kwoze

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

मत्ती 19:21

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

२ पत्रुस 3:8

लावो द्‌वादीबुङ ङोप्‍सो़नी, ओराम कोले ल्‍वा गानी मेप्‍ल्‍वानी: ङाचो़काम लागि कोलेम को धु़मसङ थ (१,०००) मा को धु़मसङ थ कोलेम होप्‍मामङा बु।

फिलिप्‍पी 3:13

वा-ल्‍वाकनी, ओर्मिम जेन्‍मु डु़म्‍तोम बु र्‍वाक्‍पा गो आ त्‍वापलाई लु़डाम मिबु। लावो कोले ल्‍वा गो बेउ, मेराम चङनोम ल्‍वा प्‍ल्‍वासाका ङादोनोम ल्‍वाथो़ आमा सो हन।

लूका 9:23

गुमीका खोत्‍ले मु़चु़लाई र्‍वाम्‍डी, “कोङनिमका गोनुङ लाम्‍दिमु न बु़ माला मेरामका ङादो उ त्‍वाप कोङङा नु़ङुनु़ र्‍वाक्‍पा न मेबु़नु़, मा हेल्‍लो लोवो उ त्‍वाकु क्रूस कुर्नु़मा आमा चङचङ लाम्‍दिनु़।

लूका 18:21

गुका र्‍वाक्‍ता, “ओर्मिम खोत्‍ले डु़म्‍ला गो याक्‍के बाङ्‌डोलो आथामङा बेत्तोगेङडोम बु।”

लूका 18:23

लावो ओराम ल्‍वा थो़स्‍तु़मा मे यहूदी ङाउका उ ङाली डस्‍तु़, हेङालोने गुनुङ छो़म खाप्‍ची बाइडा।