लूका 18:13 - थुलुङ राई

¹³ “लावो कर फक्‍पा मु़चु़ ने होनोङा येम्‍स्‍तामा पाह्रीथो़ मेरेप्‍साका उ धक्‍ची डेप्‍तो र्‍वाक्‍ता, ‘ए माम्‍चु़नी, गोडला न-थो़म रेम्‍बेनी।’

लूका 18:13 Referans Kwoze

१ तिमोथी 1:15

छु़लचो़मिम सेल्‍ला ख्रीष्‍ट येशू सु़म्‍दिसेरडा योम्‍डी र्‍वाक्‍पा ल्‍वा आच्‍छाङा र्‍वाक्‍साका रमु बासी सो़, मा छु़लचो़मिमगोडाम गो छो़म डोक्‍पु छु़लचो़।

लूका 23:48

रेप्‍डा रोक्‍पा खोत्‍ले मु़चु़मिमका मेसिन्‍डा हाम दु़स्‍ताम बाइडा, मेराम ल्‍वाम्‍डिमा ख्राप्‍तो मेभ्रसिक्‍तो उनी नेम ख्‍लोसिम्‍डी।

हिब्रू 8:12

हेङालोने मेर्मिमका बेम्‍डिम मेजो़पा खारीमिमकु छु़ल गो हेप्‍साक्‍पुमी, मा मेर्मिमका बेम्‍डिम छु़ल गो आमा नडा मेजु़ल्‍थाक्‍पु।”

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

हिब्रू 4:16

गुइ दिदाम नुङ न-थो़म ल्‍वासाका इकीमा खेरेलाडा ख्‍लो़ला सो़म्‍सिमु लागि साखाम थो़पा दिदामनुङमा माम्‍चु़नीकु गन्‍खोप फार्डा मेङिसाका लक्‍सी।

रोमी 5:8

लावो माम्‍चु़नीका उनीमा रिखाम गुइडला आरेसाका रेम्‍बेम्‍डी, गुइ छु़लचो़ बाइडिलोङा येशू ख्रीष्‍ट इकीमा लागि सिम्‍डी।

लूका 5:8

ओराम ल्‍वास्‍तु़मा सिमोन पत्रुसका येशूकु खेल चु़म्‍डु़मा र्‍वाक्‍ता, “ए ङाचो़, गो ने छु़लचो़ सो़। मेम्‍मिमका आमा फार्डा मेबानी।”

२ कोरिन्‍थी 7:11

माम्‍चु़नीकु न होम्‍साका इनीमा न नो़डाम ल्‍वाका गानीगोडा हाम बु़डु़म बु र्‍वाक्‍पा मिम्‍नी। ओराम ल्‍वाका गानीगोडा त्‍वापलाई आच्‍छाङा जो़पा बोमु माल्‍पा हाङकोम इनीमा न, मेम्‍मा हाङकोम छोक्‍चो, हाङकोम ङिम, गोनुङ घ्रो़म्‍मु हाङकोम न, हाङकोम इनी पाउ मेसोक्‍पा, छु़ल बेपालाई देन्‍दे ग्‍वाक्‍पा हाङकोम न रेड्‍डु़म बु। खोत्‍ले ल्‍वाडा गानी इनी त्‍वापलाई हाम वो मेख्‍लो़ट्‌पा रेम्‍बेन्‍निम बु।

मत्ती 9:13

‘हादी-बारा सासेन्‍मु मेएँ, न-थो़म रेम्‍बेबेनी र्‍वाक्‍पा गो न बेउ।’ र्‍वाक्‍साका माम्‍चु़नीकु सिजेमका र्‍वामु मालु़मिम ल्‍वा लक्‍निमा थेसिथेट्‌नी। माम्‍चु़नीकु मिक्‍सीलामडा जो़पा बुङु र्‍वाक्‍साका मिम्‍सिक्‍पा मु़चु़मिमलाई मेएँ, छु़लचो़ र्‍वाक्‍साका मिम्‍सिक्‍पा मु़चु़मिमलाई येड्‌डा गो योङडोम सो़।”

लूका 17:12

गुमी मेसिन्‍डाम कोले देलडा हुम्‍डिलो जोन बेट्‌पा को धु़म (१०) मु़चु़मिम उनीमाडा बिक्‍तोङा बेम्‍डी। किचो़ होनोङा येम्‍सिम्‍डिमा,

मत्ती 6:5

“गानी सो़म्‍दी बोनिलो मु़चु़मिमलाम ल्‍वाला सो़म्‍सिमु लागि लाम्‍ख्राबाडे नुङ घ्रो़म्‍दीनेममिमबाडे सो़म्‍दी बोमु द्‌वाक्‍पा मु़चु़मिमकु मिक्‍सीलामडा जो़पा लिसिक्‍पा मु़चु़मिम होङङा मेबान्‍सिट्‌नी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

मत्ती 10:3

फिलिप नुङ बारथोलोमाइ, थोमा नुङ कर फक्‍पा मत्ती, अल्‍फयसकु तारापाचो़ याकूब, थेदियस,

मर्कूस 11:25

गानी सो़म्‍दी बोनिलो गानीगोडा गोफ दु़स्‍ताम बु माला खोत्‍ले इनी छु़ल हेम्‍बेबेनी, मा मेम्‍साका ङा पाह्रीला बाट्‌पा इनी पापका वो इनी छु़ल हेम्‍सानिमी।

लूका 22:41

मेकोतिमा येशू सीसिपामिमडाम सुक धु़म (३०) मिटर को-को भाल लम्‍डिमा क्रचु़खुम बेसाका सो़म्‍दी बोमु चो़म्‍मिडी,