लूका 18:1 - थुलुङ राई

¹ येशूकु उनी सीसिपामिमका हेल्‍लो लोवो सो़म्‍दी बोमिनु़, मा उनी पाउ मेसोनु़ र्‍वाक्‍पा नका येशूका मेर्मिमनुङ ओराम सीसि-सो़म्‍दी र्‍वाम्‍डी:

लूका 18:1 Referans Kwoze

कलस्‍सी 4:2

चङचङया बासाका नुङ माम्‍चु़नीडला आला-तोमानुङमा दु़म्‍साका सो़म्‍दी बेनिमङा बानी।

रोमी 12:12

गानी इनी नगोडा हाम-हुम लन्‍थानिमिम ल्‍वाडा गेर्सी द्‍वाक्‍नी, दु़खा थारीडा इम्‍सिसाका बानी मा हेल्‍लो लोवो सो़म्‍दी बेनिम बानी।

१ थेसलोनिकी 5:17

हेल्‍लो लोवो सो़म्‍दी बेनिम बानी।

फिलिप्‍पी 4:6

हामकाम वो मिम्‍ताम-सो़र्ताम मेबेनी, लावो खोत्‍लेडा सो़म्‍दी नुङ येप्‍सीका मा गुमीलाई आलासो़ ग्‍वाक्‍तो माम्‍चु़नीकाडा गानी बिनी।

एफिसी 6:18

हेल्‍लो लोवो सो़म्‍दी बेनी, माम्‍चु़नीनुङ ख्‍लो़ला सो़न्‍सिट्‌नी। खोत्‍ले थारीका माम्‍चु़नी-पेलनुङ दु़म्‍साका सो़म्‍दी बेनिम बानी। ओर्मिम ल्‍वा नडा जु़ल्‍साका चङचङया दु़म्‍तो कुदु़मार सो़म्‍दी बेनी, मेम्‍मा खोत्‍ले थो़रलु़पामिमकाम लागि सो़म्‍दी बेनी।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

गलाती 6:9

जो़पा खारी बोमुडा हेल्‍लो वो मेघ्रु़म्‍सी। हेङालोने गुइ जो़पा खारी बिइहोम बुइ माला रोक्‍पा थारीका माम्‍चु़नीका जि ग्‍वाक्‍सामी।

२ कोरिन्‍थी 4:1

माम्‍चु़नीकु उनी दिदामलाम ओराम खारी गुकुलाई ग्‍वाक्‍तिकिमिमका आकी पाउ मेसो।

कलस्‍सी 4:12

गानी गोडामङा कोले इपाफ्रास, गु ख्रीष्‍ट येशूकु डु़ल्‍चो़का गानीलाई सेव र्‍वाक्‍ताम बु। मेम्‍मा इनीमा थो़र छो़म डोक्‍पु दु़म्‍नु़, मा गानी हाम वो मेख्‍लो़ट्‌पा दु़म्‍साका माम्‍चु़नीका न बोमिमिम होङङा खोत्‍ले बोमु चापा दु़म्‍निनु़ र्‍वाक्‍साका इनीमा लागि हेल्‍लो लोवो गुका छो़म न सोक्‍साका सो़म्‍दी बु़होम बु।

लूका 11:10

हेङालोने उहेमका बियु़, मेरामका ल्‍वासु़, उहेमका मालु़, मेरामका डारु़। उहेमका नेमगोनो हुमु लागि हेला बु़ मेरामकाम लागि लाम्‍चोको होल्‍सी।