लूका 17:6 - थुलुङ राई

⁶ ङाचो़ येशूका मेर्मिमलाई र्‍वाम्‍डी, “गानीनुङ रायोकु कोले मा कोतिम याक्‍के थो़र बु माला ने गानी ओ नापातु़मकु धक्‍सालाई ‘बुल्‍सामा दिरिदिनयु़ क्रोसा’ र्‍वानी माला मेरामका गानी र्‍वानिमिम होङङा बु़।

लूका 17:6 Referans Kwoze

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

मत्ती 21:21

येशूका र्‍वाम्‍डी, “गानीलाई गो आच्‍छाङा र्‍वाङु, गानी थो़रलु़नी, मा इनीमा नड्‌डा मेमुर्सिनी माला बैससीकु धक्‍सालाई गो बेउतोम होप्‍माम नुङ हापा डोक्‍पु खारी बोमु चाम्‍नी। ओराम पोप्‍चङलाई वो ‘होसामा दिरिदिनगोयु़ आल्‍सा’ र्‍वानी, मा मेमङा दु़म।

मर्कूस 9:23

येशूका मेरामलाई र्‍वाम्‍डी, “गाना हेङा चाम्‍नी माला र्‍वानामिम? थो़रलु़पाका बोमु मेचाप्‍सु़मिम ने हाम वो मिबु।”

लूका 13:19

मेराम रायो भ्रलकु कोले मा होप्‍माम बु सो़, मेराम कोले मु़चु़का लमा उ येडा फोड्‌डु़, मा मेराम बर्डामा डोक्‍पु धक्‍सा दु़स्‍ता। मेकोतिमा चक्‍पुमिमका मेरामकु ग्रेमडला पान्‍जी बनेबेम्‍डी।”

१ कोरिन्थी 13:2

गोनुङ माम्‍चु़नीलाम जेपा राप्‍लावा बु, खोत्‍ले थक्‍मा ल्‍वा नुङ नेप्‍ची थेसिथेन्‍मु चापु, मा पोप्‍चङ हेम्मु चापा थो़र बु लावो आगोनो रिखाम मिबु माला गो हाम वो मेएँ।

लूका 19:4

मेम्‍मिमका येशूलाई रेम्‍मु लागि गु ङादो-ङादो लस्‍तामा कोले बैससीकु धक्‍साडला हुङडा। हेङालोने येशू मेराम लाम्‍दीभालङा बिक्‍तोङा बेम्‍डी।

मर्कूस 4:31

ओराम ये-दडा फोट्‌मा रायाकु भ्रल होप्‍मामङा बु, उहेम ने सुबुडाम वाङमिम खोत्‍ले भ्रलडाम याक्‍के दु़म।

लूका 7:13

येशूका अर्दोमेलाई ल्‍वाम्‍डिमा छो़म उनी थो़म भ्रो़स्‍ता, मा गुमीका मे मेसेमलाई र्‍वाम्‍डी, “मेख्राप्‍डा।”

लूका 7:19

मा ङाचो़ येशूकाडा ओराम ल्‍वा हिलाबेप्‍डा थु़र्स्‍तु़ची, “गुकु लन्‍थान्‍कुमिम मसीह गानी ङा डे, गुकु वाङमिमलाई ङा लन्‍थान्‍कुमिम?”

लूका 17:7

“गानीगोडाम कोङनिमकु डु़ल्‍चो़ ब्‍याङसी जोसाका लावो भेन्‍दा रेप्‍साका लावो ख्‍लोसिसाका रोलो, मेरामका उ डु़ल्‍चो़लाई ‘जाम पेप्‍डा गन्‍सा’ बु़ मा?

मत्ती 14:29

येशूका र्‍वाम्‍डी, “बिकाका मा!” मेकोतिमा कुबी-बोक्‍सालामका पत्रुस लुक्‍तामा कुकु थेम-थेम येशूकाडा लस्‍ता।