लूका 17:25 - थुलुङ राई

²⁵ लावो ङादो गुका हापा दु़खा इम्‍मु बासी, मा आथामबिलिम मु़चु़मिमलामका नाप्‍छु़न्‍ला सो़म्‍सिमु बासी।

लूका 17:25 Referans Kwoze

मत्ती 16:21

गुमी यरूशलेम लमुङा बासिक्‍पा, मा ङाउमिमका, ङाउ डु़म्‍लाचो़मिमका नुङ डु़म्‍ला सीपा पातु़म्‍रीमिमका हापा ल्‍वालाम गुमीलाई दु़खा ग्‍वामी, गुमीलाई सेन्‍मी, लावो सुलेमनेम गुमी बम्‍गेट्‌मी र्‍वाक्‍साका मेम्‍लो आथाम येशूका उनी सीसिपामिममनुङ सो़मु चो़म्‍मिडी।

लूका 9:22

मेकोतिमा गुमीका र्‍वाम्‍डी, “मिनीचो़का छो़म दु़खा ल्‍वासु़। ङाउमिमका, ङाउ डु़म्‍लाचो़मिमका मा यहूदीमिमकु डु़म्‍ला सीपा पातु़म्‍रीमिमका गुलाई मेद्‌वामिमा सेन्‍मी। लावो सुलेमनेम सिमुलाम गु बगे।”

मर्कूस 8:31

गुमीका आरे र्‍वाम्‍डिमा सीमु चो़म्‍मिडी, “ओराम मिनीचो़का छो़म दु़खा ल्‍वामु, थेट्‌पा चक्‍पामिम, ङाउ डु़म्‍लाचो़मिम नुङ पातु़म्‍रीमिमलामका नाप्‍छु़न्‍ला सो़सिमु, मा सेन्‍ला सो़सिमु बासी। मेकोतिमा सुलेम नेम सिमुलाम बम्‍गेमु बासी।”

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

लूका 18:33

मेर्मिमका गुलाई कोक्‍तेकु रिवाका याल्‍मी मा सेन्‍मी। लावो सुलेमनेम गु सिमुलाम बगे।”

मर्कूस 12:10

हाम गानी माम्‍चु़नीकु सिजेमडा हेल्‍लो वो डाट्‌निम मिबु? ‘उहेम लुङ नेम बनेबेपामिमका पार्मिडी मेराम ङा सुरलुङ दु़स्‍ता,

मत्ती 21:42

येशूका मेर्मिमलाई र्‍वाम्‍डी, “माम्‍चु़नीकु सिजेमडा ओराम ल्‍वा हाम गानी हेल्‍लो वो डाट्‌निम मिबु? ‘नेम चिर्पा मु़चु़मिमका पार्मिडिम लुङङा नेमकु फारगोयु़म डोक्‍पु सुरलुङ दु़स्‍ता, मिप्रङमाका आरे बेम्‍डी, इकीमा मिक्‍सीलामडा ओराम ङाङाया दु़म्‍सीमिम बु।’

यूहन्‍ना 12:38

माम्‍चु़नीलाम-जेपा यशैयाका आरे र्‍वाक्‍ताम ल्‍वा रोक्‍थिड्‌डा: “ए मिप्रङमा, आकीमा ल्‍वाडा सु़का थो़र बु़डु़? मा मिप्रङमाकु यु़म सु़डला रेम्‍बेसिड्‌डा?”

लूका 24:46

गुमीका मेर्मिमलाई र्‍वाम्‍डी, “माम्‍चु़नीकु सिजेमडा ओराम र्‍याक्‍मा बु: ‘ख्रीष्‍टका छो़म दु़खा ल्‍वामुमा सिमु बासी, मा सुलेमनेम सिमुलाम बम्‍गेमु बासी,

लूका 18:31

येशूका को-न (१२) उनी सीसिपामिमलाई कोर्थो़ लम्‍डिमा र्‍वाम्‍डी, “रेप्‍नी, ओम्‍लो गुइ यरूशलेमथो़ लक्‍तोङा लेडिमिम बु। माम्‍चु़नीलाम-जेपामिमका मिनीचो़कु दुथाम र्‍वाम्‍डिम होङङा खोत्‍ले मेसिन्‍डा दु़म।

मर्कूस 10:33

गुमीका र्‍वाम्‍डी, “थो़नी, गुइ यरूशलेमथो़ लक्‍तोङा बिइ। मेसिन्‍डा मिनीचो़लाई कोङ-कोङका डु़म्‍लाचो़मिम नुङ डु़म्‍ला सीपा पातु़म्‍रीमिमकु ल्‍वाडा ग्‍वामी, मा मेर्मिमका सेन्‍मु मुलु़ बोमी। मेकोतिमा सेन्‍मुलाई मेर्मिमका वाङसामामिमकु ल्‍वाडा ग्‍वामी।

मर्कूस 9:31

हेङालोने गुमीका उनीमा त्‍वाकु सीसिपामिमलाई आरे र्‍वाक्‍तोङा सीत्तो बेम्‍डी, “मिनीचो़ मु़चु़मिमकु ल्‍वाडा ग्‍वाला सो़सी, मा मेर्मिमका सेन्‍मी। लावो सेन्‍मिमिमकु सुलेम नेम मेराम सिमुलामका ब गे।”