1 येशूका उनी सीसिपामिमलाई र्वाम्डी, “मु़चु़मिमलाई छु़ल बेबेट्पा मेजो़पा ल्वामिम रोमी। लावो मु़चु़मिमलाई मेम बेबेट्पा मेराम मु़चु़ ने वाइतो!
“ओ सु़म्दिसेरडाम मु़चु़मिम ने हाउरेमा, हेङालोने मु़चु़मिमलाई छु़ल बेबेट्पा ल्वा ने हापाङा बु। आरेप्माम ल्वामिम ने रो ङा, लावो वाङमिमलाई छु़ल बेबेट्पा मु़चु़ ने हाउरेमा!
मेम्मिमका गो हाम पेउ मेरामका थो़रलु़पा आमा वा-ल्वाकलाई छु़ल वामबेडु़ माला आथाडा आनो गो हेल्लो वो सो़ मेपेउ, मेम्साका वा-ल्वाकलाई छु़ल वाममेबेट्पु।
मेम्मिमका गुइ सु़लाई वो मुमा बेसी मेनु़। गानी त्वाकु थो़रलु़पा वा-ल्वाकमिमगोडा छु़ल रेट्पा नुङ मेर्मिमलाई मेजो़पा बेपा ल्वा हेल्लो वो मेबेउ र्वाक्पा न बेनी।
गानीगोडाम आच्छाङाकाम मु़चु़ छेम्सिमु गानीगोडा गो-फ दु़म्मुङा बासी डे!
द्वादीबुङ वा-ल्वाकनी, गानीगोडा गो-फ दु़म्पा मा रिबुसी किन्बेट्पा मु़चु़मिमडाम चङचङया बानी र्वाक्साका गो गानीलाई छो़म र्वाङु। मेर्मिमका इनीमा सीसिकु कोर्थो़लाम जेमी। मेप्माम मु़चु़मिमडाम वाङ बानी।
पत्रुसथो़ ख्लोम्सिम्डी, मा येशूका र्वाम्डी, “शैतानका बु़मिम होङङा बोमु डिडा। माम्चु़नीकु न होङङा बोमु गाना गोलाई भोम्मु माल्ङिमिम बु। हेङालोने माम्चु़नीका मिम्मिमिम होङङा गाना मेमिम्ना, मु़चु़का मिम्मिमिम होङङा मिम्ना।”
सु़लाई वो छु़लडा वाममेबेट्नी, यहूदी दु़म्नु़का, ग्रीक दु़म्नु़का माम्चु़नीकु मण्डली दु़म्नु़।
मेम्मा वो इनीमा दुथाम गो मेद्वाक्पुमिम ल्वा किचो़ बु: गानीगोडा बालामकु सीसि होङङा बेपा मु़चु़मिम बुमी। मे बालामका इस्राएलीमिमलाई छु़ल बेबेन्मु लागि ङाटाडला सासेट्मा पोमु-डुमु मेर्मिमलाई पेबेन्मु नुङ नाम्सु़रु़ बेबेन्मु बालाकलाई सीड्डु़म बाइडा।
मेमङा लोवो, इमा दुथाम गो मेद्वाक्पुमिम ओराम ल्वा बु: इजेबेल मेसेम, उहेमका गु उ त्वापलाई माम्चु़नीलाम-जेपानिम र्वा, गुलाई गानी उमा लिमा सीसि सीमु ग्वानी। गुका आमा डु़ल्चो़मिमलाई नाम्सु़रु़ बेबेसाका नुङ ङाटाडला सासेट्मा पोमु-डुमु पेबेसाका ताङताहेरथो़ ल।
“अब्राहामका गुलाई र्वाक्ता, ‘मोशा नुङ माम्चु़नीलाम-जेपामिमकु सिजेम थो़मिमा उनी छु़ल न-गोलामका मिम्सिसाका मेख्लोम्सिमी माला सिमुलामका कोङनिम बगेङा लोवो मेर्मिमका मेथो़मी’।”
दिफुम थारीबिलि कोङनिम मु़चु़मिम उनी थो़र लु़सीलामका ख्लोम्सिट्मी, मा मेर्मिम लु-फेले बेपा पेल नुङ मुनाङ-कुर्चाङमिमकु सीसिथो़ लमी र्वाक्साका माम्चु़नी-पेलका जो़होमका र्वामी।