Biblia Todo Logo
Bib sou entènèt

- Piblisite -




लूका 16:9 - थुलुङ राई

9 मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

Gade chapit la Kopi




लूका 16:9
28 Referans Kwoze  

येशूका मेरामलाई र्‍वाम्‍डी, “माम्‍चु़नीका न बोमिमिम होङङा जो़पा दु़म्‍मु न बोना माला लक्‍सामा गानानुङ बाट्‌पा खोत्‍ले भ्रेडामा मेराम खउलुङ उनी हाम वो मेबाट्‌पामिममलाई ग्‍वाकामी। मेम्‍मा पाह्रीला खाप्‍ची ल्‍वाना। मेकोतिमा आमा चङचङ लाम्‍दिया।”


“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।


मेम्‍मिमका गानी सु़म्‍दिसेरडाम खाप्‍ची रेम्‍मु थो़रलु़पा मेदु़म्‍निवा माला ने माम्‍चु़नीका गानीलाई हेसाका पाह्रीलाम आच्‍छाङाकाम खाप्‍ची रेपा दु़म्‍बेनी मा?


मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”


इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।


गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।


गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।


“कोले डु़ल्‍चो़का नले नेमहपकु चापे-डुपे बोमु मेचाप्‍सु़। मे डु़ल्‍चो़का कोले नेमहपलाई रिखाम बु़, मा कोङमीलाई मेद्‌वाकु़। कोलेका र्‍वामिम थो़पा दु़म्‍साका कोङमीलाई हाम ना हामकाम मिम्‍डु़। गानी माम्‍चु़नीकु खारी नुङ खउलुङ डु़पा खारी निफिङा बोमु मेचाम्‍नी।”


मा र्‍वाक्‍ता, ‘कर्नेलियस, माम्‍चु़नीका इमा सो़म्‍दी थो़म्डिम बु, मा उनी हाम वो मेबाट्‌पामिमलाई खाप्‍ची ग्‍वानामिम गुमीका मिम्‍मिडिम बु।


“इनीमा लागि ओ सुबुडा खाप्‍ची मेफुट्‌नी। आसिन्‍डा ने मे खाप्‍ची तु़मका पु़, गारका पु़, खुचु़वाका नेम पिसाका खुमी।


इनी त्‍वापलाईङा माम्‍चु़नी रिखामगोडा जु़ल्‍नी मा मेसिपा त्‍वारो़म ल्‍वामु इकीमा ङाचो़ ख्रीष्‍टकु न-थो़म लन्‍थाट्‌नी।


कर्नेलियसका पाह्रीचो़थो़ रेप्‍डु़म-रेप्‍डु़म ङा बु़डु़। गु छो़म ङिड्‍डामा र्‍वाक्‍ता, “गानी हाम र्‍वामु माल्‍नी ङाचो़?” पाह्रीचो़का र्‍वाक्‍ता, “माम्‍चु़नीका इमा सो़म्‍दी थो़म्डिम बु। गाना उनी हाम वो मेबाट्‌पा मु़चु़मिमलाई खाप्‍ची ग्‍वाक्‍नामिम गुमीका ल्‍वाम्‍डिम बु, मा गुमीका गानालाई मिम्‍थानामिमिम बु।


गो हाम बोमु बासी र्‍वाक्‍पा आमा नड्‌डा रोक्‍ताम बु। ओराम खारी बोमु डिट्‌पुमिम चङडा मु़चु़मिमका हेसाका उनी नेमडा येन्‍ङिमिमा हुनाखाना बोङिमी, मा ख्‍लो़ङिमी मेराम खारी गो बेउजो़लु।’


Swiv nou:

Piblisite


Piblisite