लूका 16:8 - थुलुङ राई

⁸ “मेकोतिमा मे खाप्‍ची रेपा मु़चु़का मिम्‍साका बु़डु़म खारी ल्‍वास्‍तु़मा खाप्‍चीचो़का उ नङ कोक्‍साड्‌डु़। मेम्‍साकाङा माम्‍चु़नीकु मु़चु़मिमडाम वो सु़म्‍दिसेरडाम मु़चु़मिमका वाङमिम मु़चु़नुङ छो़म मिम्‍साका खारी बोमी।

लूका 16:8 Referans Kwoze

१ थेसलोनिकी 5:5

हेङालोने गानी खोत्‍ले ओलडाम नुङ नेम्‍फुम मु़चु़ सो़। सिन्‍थाम नुङ तुकुम्‍चिमडाम मु़चु़ गुइ मेएँ।

एफिसी 5:8

ङादो गानी तुकुम्‍चिमगोडा बान्‍नी, लावो आथा ने ङाचो़ येशूलाममिम ओलडा रोक्‍निम बु। मेम्मिमका आथाडा आनो गानी ओलचो़ होम्‍साका बानी दोनी।

लूका 16:10

“उहेम मु़चु़ याक्‍के खारीडा थो़रलु़इमिम दु़म, मेराम मु़चु़ डोक्‍पु खारीडा वो थो़रलु़इमिम दु़म। उहेम मु़चु़ याक्‍के खारीडा थो़रमेलु़इमिम दु़म, मेराम मु़चु़ डोक्‍पु खारीडा वो थो़रमेलु़इमिम दु़म।

यूहन्‍ना 12:36

गानीनुङ ओल बुलोङा मेरामडला थो़रलु़नी। मेम्‍मा गानी ओलडा बाट्‌पा मु़चु़ होप्‍माम दु़म्‍नी।” येशूका ओर्मिम ल्‍वा र्‍वामु दु़म्‍मिडिमा मेलामका लम्‍डिमा मेर्मिमडाम थसिक्‍साका बाम्‍डी।

१ यूहन्‍ना 3:10

ओलामकाङा माम्‍चु़नीकु चो़मिम सु़ मा शैतानकु चो़मिम सु़ र्‍वाक्‍पा छेडी: उहेम मु़चु़का हाम जो़पा बु मेराम मेबु़, मेराम मु़चु़ माम्‍चु़नीकु चो़ मेएँ, मा उमा वा-ल्‍वाकलाई रिखाम मेबेपा मु़चु़ वो माम्‍चु़नीकु चो़ मेएँ।

लूका 16:4

गो हाम बोमु बासी र्‍वाक्‍पा आमा नड्‌डा रोक्‍ताम बु। ओराम खारी बोमु डिट्‌पुमिम चङडा मु़चु़मिमका हेसाका उनी नेमडा येन्‍ङिमिमा हुनाखाना बोङिमी, मा ख्‍लो़ङिमी मेराम खारी गो बेउजो़लु।’

लूका 20:34

येशूका मेर्मिमनुङ र्‍वाम्‍डी, “ओ सुबुडा मु़चु़मिमका लालीकुन्‍दा बोमी, मा बोम्‍सामी।

१ पत्रुस 2:9

लावो गानी ने माम्‍चु़नीका थुट्‌निम पाइमाखा, हपकु डु़म्‍लाचो़मिम, माम्‍चु़नीकु नङका साट्‌पा सामा, गानीलाई तुकुम्‍चिमलामका हेल्‍लो वो मेल्‍वाम्‍मा ओलडा रेट्‌निमिम माम्‍चु़नीकाम उनी त्‍वाकु मु़चु़मिम सो़। गुमीका मु़चु़मिमलाई छो़म जो़पा खारी थो़बेन्‍मु लागि गानी थुट्‌निम बु।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

१ कोरिन्थी 3:18

सु़का वो उ त्‍वापलाई ताङताहेरथो़ मेलनु़। गानीगोडाम कोङनिमका उ त्‍वापलाई ओराम सु़म्‍दिसेरडाम नेप्‍चीनुङमा मिम्‍सी माला गु नेप्‍ची मान्‍थिम दु़म्‍नु़, मेम्‍साका कोङङा आच्‍छाङाकाम नेप्‍चीनुङमा दु़म।

लूका 18:6

मेकोतिमा येशूका र्‍वाम्‍डी, “मेजो़पा न-गोनुङमा निया बेपा मे मु़चु़लामका हाम-हुम ल्‍वा सीन्‍सिट्‌नी।

मत्ती 17:26

पत्रुसका र्‍वाक्‍ता, “वाङमिम मु़चु़लामका।” येशूका गुलाई र्‍वाम्‍डी, “मेम माला उनी चो़च्‍चो़मिमका ने कर सोमु मेबासी।

मत्ती 12:32

कोङनिमका मिनीचो़कु कोर्थो़लाम जेमिम ल्‍वा हेम्‍सी, लावो कोङनिमका माम्‍चु़नी-पेलकु कोर्थो़लाम जेस्‍ता माला मेराम ओम्‍लो नुङ दिफुम थारीका वो मेहेम्‍सी।

लूका 16:7

“मेकोतिमा गुका कोङमीलाई हिलाबु़डु़, ‘इमा जेर हाङको सोमु बासिक्‍पा बु?’ “गुका र्‍वाक्‍ता, ‘सु सङ ङो धु़म (३५०) क्‍विन्‍टल जेप्‍सेर।’ गुका मेरामलाई र्‍वाक्‍ता, ‘इमा तमसुक रङामा सु सङ (३००) क्‍विन्‍टल र्‍याका।’

लूका 20:35

लावो सिमुलामका बक्‍साका पाह्रीथो़ लमु घ्रेट्‌पा मु़चु़मिम ने मेम्‍साका लालीकुन्‍दा मेबोमी मा मेबोम्‍सामी वो।