लूका 16:28 - थुलुङ राई

²⁸ हेङालोने मेसिन्‍डा आमा ङोले तारापा ल्‍वाकमिम बुमी, मा मेरामका मेर्मिमलाई र्‍वानु़। मेएँ माला ने मेर्मिम सिमिलो आरेप्‍मामङा दु़खा इम्‍मु बासिक्‍पा खादीगोयु़ मेयोमिनु़।’

लूका 16:28 Referans Kwoze

थु़र्मा 20:23

आकोति कोङङा चक्‍पु, शहर-शहरडा गो खिर्सिङुलो दु़खामिम गोडला रोमी, मा चङिमी वो र्‍वाक्‍साका माम्‍चु़नी-पेलका आमा न छ्‌यामी।

थु़र्मा 2:40

पत्रुसका वाङमिम वो हापा ल्‍वामिमलामका उनी न छ्‌याक्‍सात्तो आरे बु़डु़मी, “छु़लचो़मिमका ल्‍वापा देन्‍देडाम वाङ बासाका सेल्‍सिट्‌नी।”

१ थेसलोनिकी 4:6

सु़का वो आरेसाका लु-फेले बेसाका थो़रलु़पा वा-ल्‍वाकलाई मेजो़पा मेबु़नु़। गानीलाई गुकु ङादोङा र्‍वाक्‍तोकोम नुङ ङिमसाट्‌मा होम्‍साकाङा आरेप्‍माम खारी बेपालाई ङाचो़ येशूका देन्‍दे ग्‍वामी

लूका 16:27

“खाप्‍चीचो़का अब्राहामनुङ र्‍वाक्‍ता, ‘ए कुर्चाङ बेब अब्राहाम, गो गानीलाई र्‍वाङु, गानी लाजरसलाई सुबुडाम आकी नेमडा थु़र्नी,

थु़र्मा 8:25

येशूका बेम्‍डिम खारी पत्रुस नुङ यूहन्‍नाका ल्‍वाच्‍चिमकु दुथाम नुङ येशूकु दुथाममिम सिजेम मे मु़चु़मिमनुङ दो़च्‍ची। मेकोतिमा सामरियाडाम देलबाडे लक्‍ची, मा मेसिन्‍डाम मु़चु़मिमलाई जो़पा-सेला थो़बेत्तो मेर्चिप यरूशलेमथो़ ख्‍लोसिक्‍ची।

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

थु़र्मा 18:5

सिलास नुङ तिमोथी माकेडोनियालामका रोक्‍फाट्‌ची, मा पावलका हेल्‍लो लोवो माम्‍चु़नीकु सिजेम कोङङा दो़स्‍तु़होम बाइडा। गुका यहूदीमिमलाई येशू ङा ख्रीष्‍ट र्‍वाक्‍पा सीड्‌डु़मी।

थु़र्मा 20:21

यहूदीमिम नुङ ग्रीकमिमलाई इनीमा त्‍वाकु छु़लमिम न-गोलामका मिम्‍सिसाका माम्‍चु़नीडा ख्‍लोन्‍सिट्‌नी, मा ङाचो़ येशूडा थो़रलु़नी र्‍वाक्‍साका र्‍वाङ्‌डोम बु।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

थु़र्मा 23:11

मेरामकु दिकाम नेम्‍थाका ङाचो़ येशू पावलकु ङादोडा रेम्‍बेम्‍सिम्‍डिमा र्‍वाम्‍डी, “मेङिसा पावल, यरूशलेमडा हेसाका आमा दुथाम सो़न्‍ना, मेम्‍साका ङा रोम शहरडा वो गाना आमा दुथाम सो़मु बासी।”

थु़र्मा 26:22

लावो गो ल्‍वाउतोम ल्‍वाकु दुथाम डोक्‍पु याक्‍के खोत्‍ले मु़चु़मिमनुङ सो़मु माम्‍चु़नीका गोलाई ओम्‍लोसम्‍म ख्‍लो़ङ्‌डिमिम बु। मोशा नुङ माम्‍चु़नीलाम-जेपामिमका र्‍वाम्‍डिम ल्‍वा कोङङा सो़त्तो ङा लेट्‌पु,

थु़र्मा 28:23

मेकोतिमा मेर्मिमका पावलकु ल्‍वा थो़मु लागि कोलेम नेम घ्रो़म्‍सी र्‍वाबेम्‍डी। सेर्पा मु़चु़ पावल बाट्‌पाडा खोम्‍सिम्‍डी। पावल मेर्मिमनुङ नेमसोसोलो आथाम नेम गाम्‍डामसम्‍म ङा जेस्‍ता, मा गुका माम्‍चु़नीकु किब्‍दीकु दुथाम सीड्‌डु़मी, मा मेर्मिमलाई थो़र लु़बेन्‍मु नका येशूकु दुथाममिम ल्‍वा मोशाकु डु़म्‍ला नुङ माम्‍चु़नीलाम-जेपामिमकु खाजेमलाम सीड्‌डु़मी।

गलाती 5:3

कोक्‍ते खिरिरि क्रिपामिमलाई गो आथावो र्‍वाङु, खिरिरि क्रिपामिमका मोशाकु खोत्‍ले डु़म्‍ला होम्‍साका दोमुङा बासी।

एफिसी 4:17

मेम्‍मिमका ङाचो़कु नङडा गो गानीलाई छो़म र्‍वाङु, इनी बासी-दोसी माम्‍चु़नीलाई मेछेपा होप्‍माम मेदु़म्‍नु़। मेर्मिमकु मिम्‍सी ने हाम ना हामकाम दु़म।

१ थेसलोनिकी 2:11

कोले पापका उ चो़मिमलाई बु़मिमिम होङङा गुकु इनीमा सो हन्‍बेत्तोको, लु़म्‍ला बेत्तोको, छो़म र्‍वाक्‍तोको, मेराम गानी चनिमिम बु।