लूका 16:26 - थुलुङ राई

²⁶ मेम कोङङा मेएँ, इनीमा नुङ आकीमा थेतेडा छो़म डोक्‍पु छेन्‍द्रुङमा बु। मेम्‍मिमका ओलामका पोलु़म ख्‍वाक्‍साका सु़ वो इनीमायु़ योमु मेचाम्‍मी, मा मेलामका वो सु़ वो छेन्‍द्रुङमा ख्‍वाक्‍साका आकीमाडा गेमु मेचाम्‍मी।’

लूका 16:26 Referans Kwoze

यूहन्‍ना 3:36

उहेमका माम्‍चु़नीकु तारापाचो़डला थो़र बु़, मेरामनुङ मेसिपा त्‍वारो़म दु़म। उहेमका तारापाचो़का र्‍वामिमिम मेथो़सु़, मेरामका मेसिपा त्‍वारो़म मेल्‍वासु़। लावो माम्‍चु़नीकु देन्‍दे मेरामडला दु़महोम बु।”

रेम्‍बेट्‌मिडिम ल्‍वा 20:10

मेम्‍मा मु़चु़मिमलाई ताङताहेरथो़ लक्‍पा शैतान गन्‍धक वाक्‍तोङा बेपा मुकु भुल्‍मु गोनो कोङनिमका छाघ्रोक्‍तु़, मेगोनो मे हादीबारा नुङ माम्‍चु़नीलाम जेपा लिसिक्‍पा वो घ्रोक्‍मा बाच्‍ची। मेर्मिमका नेम्‍फु सिन्‍था हेल्‍लो लोवो उनी थो़मबोक बिपा दु़खा ल्‍वामिमिम बुमी।

मत्ती 25:46

“मेर्मिम मु़चु़ हेल्‍लो लोवो देन्‍दे ल्‍वापाम बाट्‌पाडा लमी, लावो माम्‍चु़नीकु लाम्‍दीडा लाम्‍दिपा मु़चु़मिमका ने हेलो वो मेसिपा त्‍वारो़म ल्‍वामी।”

लूका 12:59

गो गानीलाई र्‍वाङु, सोमु बासिक्‍पा खउलुङ को पैसा वो मेसोक्‍थु़मसम्‍म गानी मेलाम लुमु मेल्‍वानी।”

रेम्‍बेट्‌मिडिम ल्‍वा 22:11

उहेम मु़चु़का मेजो़पा खारी बु़, मेरामका मेजो़पा खारीङा बु़नु़म बुनु़, उहेम मु़चु़का घ्राम्‍लु़पा खारी बु़, मेरामका घ्राम्‍लु़पा खारीङा बु़नु़म बुनु़, उहेम मु़चु़का जो़पा खारी बु़, मेरामका जो़पा खारीङा बु़नु़म बुनु़ मा उहेम मु़चु़का उ त्‍वाप माम्‍चु़नीलाई ग्‍वाकु़, गु मेम्‍साकाङा लाम्‍दिनु़म बुनु़।”

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 16:27

“खाप्‍चीचो़का अब्राहामनुङ र्‍वाक्‍ता, ‘ए कुर्चाङ बेब अब्राहाम, गो गानीलाई र्‍वाङु, गानी लाजरसलाई सुबुडाम आकी नेमडा थु़र्नी,