लूका 16:25 - थुलुङ राई

²⁵ “लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 16:25 Referans Kwoze

लूका 6:24

लावो गानी खाप्‍चीचो़मिम ने हाउरेमा! हेङालोने गानी इनी त्‍वाकु नसीहोम बोमु दु़म्‍निम बु।

१ यूहन्‍ना 2:15

सु़म्‍दिसेरलाई लोवो सु़म्‍दिसेरडा बाट्‌पामिमलाई लोवो रिखाम मेबेनी। कोङनिमका सु़म्‍दिसेरलाई रिखाम बु़ माला माम्‍चु़नी पापलाई गुका रिखाम मेबु़।

मर्कूस 9:45

इमा खेलका छु़ल बेबेना माला, मेराम क्रिप्‍डामा घ्रोक्‍सोका, हेङालोने नले खेल बासाका वो खादीयु़ घ्रोला सो़म्‍सिमुडाम ने खेल मान्‍थिम दु़म्‍मुमा हेल्‍लो वो मेसिपा त्‍वारो़म ल्‍वासिमिम पाह्रीगोनो हुमु जो़पा दु़म।

रोमी 8:7

मिरो़मडाम नसीहोमका दोपा मु़चु़ माम्‍चु़नीकु कोर्थो़लाम बमिम दु़म। हेङालोने गुका डु़म्‍ला होम्‍साका बु़डु़म मेदु़म मा डु़म्‍ला होम्‍साका दोमु वो मेचाप्‍सु़।

फिलिप्‍पी 3:19

मेर्मिमकु लखोप ने पुयु़लुक्‍पाथो़, मेर्मिमकु मिरो़मका हाम मालु़ मेराम होम्‍साका बुमी-दोमी, मा मेर्मिम उनी क्रो़मलु़मु बासिक्‍पा ल्वाडा डोक्‍पु लिम्‍सिमी। मेर्मिमकु न सुबुडा बाट्पा ल्‍वामिमडा बु।

थु़र्मा 14:22

मेसिन्‍डा मेर्चिपका थो़रलु़पामिमलाई उनी थो़र बर्बेसाक्‍चिमी, मा उनी थो़रलु़सीडा सो हन्‍बेट्‌साक्‍चिमी। मेर्चिपका र्‍वाक्‍ची, “गुइ माम्‍चु़नीकु किब्‍दीगोडा हुमु हापा मेझापातो दु़खा ल्‍वामु बासी।”

हिब्रू 11:25

घरिकोङकाम छु़लकु एलेङगी बोमुडाम ने माम्‍चु़नीकु मु़चु़मिमनुङ मेजो़पा बेला सो़म्‍सिमुङा गुका छेड्‌डु़।

१ थेसलोनिकी 3:3

मेम्‍मा ओर्मिम दु़खाका गानीगोडाम सु़ वो उनी गो मेभ्रसिक्‍पा मेदु़म्‍मिनु़। गुकु आरेप्‍माम दु़खा ल्‍वामु लागिङा थुसिक्‍तोकोम र्‍वाक्‍पा गानी त्‍वाकाङा चनी।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

लूका 16:23

मे खाप्‍चीचो़कु पेलका खादीगोयु़ छो़म मेझापा दु़खा इम्‍तोङा लेड्‌डु़। मेकोतिलो गुका अब्राहामनुङ गन्‍तासिट्‌पा लाजरसलाई ल्‍वास्‍तु़।

लूका 16:20

मेरामकु नेमगोनो हुपा लाम्‍चोकोडा कोले लाजरस नङकाम उ हाम वो मेबाट्‌पा बिपा मु़चु़लाई मु़चु़मिमका रेसाका चार्थाल्‍मिडी। मेरामकु खोत्‍ले रो़मडा पार कोङङा बाइडा।

मत्ती 27:63

मा र्‍वाम्‍डी, “ङाचो़, मेराम लुचो़ नु़पा बाइडालो ‘सुलेमका सिमुलाम बम्‍गेङु’ र्‍वाक्‍ताम आकी नडा बु।

लूका 16:26

मेम कोङङा मेएँ, इनीमा नुङ आकीमा थेतेडा छो़म डोक्‍पु छेन्‍द्रुङमा बु। मेम्‍मिमका ओलामका पोलु़म ख्‍वाक्‍साका सु़ वो इनीमायु़ योमु मेचाम्‍मी, मा मेलामका वो सु़ वो छेन्‍द्रुङमा ख्‍वाक्‍साका आकीमाडा गेमु मेचाम्‍मी।’