लूका 16:22 - थुलुङ राई

²² “चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।

लूका 16:22 Referans Kwoze

१ पत्रुस 2:24

गुमीका इकी छु़लमिम उनीमा मिरो़मडा क्रूसडला कुर्मिडी। उनीमा पारमिमका गानी सन्‍निम बु। मेम्‍साका छु़ल मेबिइनु़ मा माम्‍चु़नीकु न-गो होम्‍साका नु़इनु़।

रेम्‍बेट्‌मिडिम ल्‍वा 14:13

मेम्‍मा पाह्रीलाम कोङ लो़लामका आरे र्‍वाक्‍ताम गो थो़उतो, “ओराम र्‍याका: आथाडा आनो ङाचो़डा थो़र बु़डु़मका सिपामिम आलाकाम सो़।” माम्‍चु़नी-पेलका र्‍वाम्‍डी, “आच्‍छाङा सो़, मेर्मिमका उनी ब्राम्‍दु़ल्‍वा बेसीडाम ङेम्‍सिमु ल्‍वामी, हेङालोने मेर्मिमका बेम्‍डिम जो़पा खारीकाम पुरस्‍कार ल्‍वामी।”

याकूब 1:11

नेप्‍सुङ ओप्‍डु़, मा घ्रु़पा साम दु़म्‍मा जेम साबेडु़, बुङमा आल, मा मेरामकु जो़प्‍सी दाम्‍मा ल। मेम्‍साकाङा खाप्‍चीचो़ वो उ त्‍वाकु खारी बेत्तो-बेत्तोङा दाम।

यूहन्‍ना 13:23

येशूका रिखाम बेम्‍डिम कोले सीसिपा ने येशूकु होनोलाम गन्‍तासिट्‌पा बाइडा।

मर्कूस 8:36

हेङालोने मु़चु़का खोत्‍ले सुबुङा उमा ल्‍वाडा बु़ मा वो उमा साम ने दाम्‍सोक्‍तु़ माला मेरामका हाम बु़ मा?

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

मत्ती 24:31

मिनीचो़का उ पाह्रीचो़मिमलाई भुमकु डोक्‍पु लो़लामनुङ थु़रु़मी, मा छेट्‌मा उ मु़चु़मिमलाई सुबुडाम खोत्‍लेथो़लाम मेर्मिमका खोम्‍मी।

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

यूहन्‍ना 21:20

पत्रुसका चङथो़ ख्‍लोसिड्‌डामा रेप्‍डु़लो येशूका छो़म रिखाम बेम्‍डिम सीसिपा चङचङ बिक्‍तोङा बेपा ल्‍वास्‍तु़। नेम्‍थाम ग्रुला पेम्‍डिलो येशूकु चङलाम थेर्तासिड्‌डामा “ङाचो़, गानीलाई भ्रेट्‌पा मु़चु़ सु़?” र्‍वाक्‍साका हिलाबेपा सीसिपा ओरामङा बाइडा।

लूका 12:20

“लावो माम्‍चु़नीका मेराम मु़चु़लाई र्‍वाम्‍डी, ‘ए नेप्‍ची मान्‍थिम मु़चु़, आनेप सिन्‍थाङा गाना सिना, मा इमा लागि फुट्‌नामा जु़ल्‍नाम खोत्‍ले खाप्‍ची सु़काम दु़म?’

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

लूका 16:21

मे खाप्‍चीचो़का क्‍लेसु़मा पारु़मिम पोमु-डुमुका ङा वो लाजरसका उ ख्‍वाचेप खोबेन्‍मु न बु़थाल्‍लु़। ख्‍लेबामिम वो रोम्‍थाल्‍मिडिमा उ पार लेम्‍थाल्‍मिडी।

यूहन्‍ना 1:18

सु़का वो माम्‍चु़नीलाई हेल्‍लो वो ल्‍वास्‍तु़म मिबु। पापनुङ बाट्‌पा माम्‍चु़नी होप्‍मामङा तारापाचो़का माम्‍चु़नीलाई रेम्‍बेसाड्‌डामिम बु।