लूका 16:21 - थुलुङ राई

²¹ मे खाप्‍चीचो़का क्‍लेसु़मा पारु़मिम पोमु-डुमुका ङा वो लाजरसका उ ख्‍वाचेप खोबेन्‍मु न बु़थाल्‍लु़। ख्‍लेबामिम वो रोम्‍थाल्‍मिडिमा उ पार लेम्‍थाल्‍मिडी।

लूका 16:21 Referans Kwoze

मत्ती 15:27

मे मेसेमका र्‍वाक्‍ता, “गानी र्‍वाक्‍निम ने आच्छाङा ङाचो़, लावो ख्‍लेबामिमका वो उनी नेमहपकु टेबलकु गोयु़ आल्‍पा सो़बेमकु फ्‍वाक्‍चो़लमिम ने पोमु ल्‍वामी नी।”

२ कोरिन्‍थी 11:27

गो छो़म मेझापा नुङ घ्रु़म्‍पा खारी बेउतो मा हापा खेप मेअम्‍ङुवा। गो क्रु़म कोडा सिङडो मा हापा खेपङा पोमुडुमु मान्‍थिम दु़म्‍ङोडो। ये-सेम मान्‍थिम दु़म्‍ङोडो मा जुका क्रो़न्‍ङिडी।

१ कोरिन्थी 4:11

ओम्‍लो वो गुकु क्रु़म-कोरा सिपा बुकु, आकी ये-सेम मिबु। गुकु याल्‍ला सो़सिन्‍कु, नेम-किम मान्‍थिम बुकु।

यूहन्‍ना 6:12

मेर्मिम खोत्‍लेका ख्‍वाचेप कोदो पेम्‍डिम चङडा येशूका उनी सीसिपामिमलाई र्‍वाम्‍डी, “घ्‍लेट्‌पा फ्‍वाक्‍चो़लमिम डो़नी। कोले वो ब्‍लाम-ब्‍लाम मेदु़म्‍नु़।”

मर्कूस 7:28

मेराम मेसेमका र्‍वाक्‍ता, “मेम ने, मेमङा जो़पा दु़म, लावो टेबलकु गोयु़ बाट्‌पा ख्‍लेबामिमका वो चो़च्‍चो़मिमका डमिम सो़बेमकु प्‍वाक्‍चो़लमिम ने पोमी।”

लूका 16:20

मेरामकु नेमगोनो हुपा लाम्‍चोकोडा कोले लाजरस नङकाम उ हाम वो मेबाट्‌पा बिपा मु़चु़लाई मु़चु़मिमका रेसाका चार्थाल्‍मिडी। मेरामकु खोत्‍ले रो़मडा पार कोङङा बाइडा।

लूका 16:22

“चङडा मे उ हाम वो मेबाट्‌पा लाजरस सिडा, मा पाह्रीचो़मिमका मेरामकु पेल लम्‍डिमा पाह्रीला अब्राहामनुङ जु़ल्‍मिडी। मे खाप्‍चीचो़ वो सिडा, मा क्‍लु़म्‍मिडी।