लूका 16:2 - थुलुङ राई

² मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’

लूका 16:2 Referans Kwoze

रेम्‍बेट्‌मिडिम ल्‍वा 20:12

मेकोतिमा याक्‍के नुङ डोक्‍पु सिपामिम मे साखाम थो़पा गन्‍खोप ङादोडा येम्‍तासिट्‌पा ल्‍वाउतो मा पाह्रीचो़का खाजेममिम होर्रु़। कोङमी खाजेम वो होर्रु़, मेराम त्‍वारो़मकु खाजेम सो़। मे सिपामिमकाम निया ने मेर्मिमका हाम बेम्‍डिम र्‍वाक्‍साका खाजेममिमडा र्‍याक्‍मा होम्‍साका दु़स्‍ता।

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

१ पत्रुस 4:5

लावो सिपा नुङ नु़पामिमकु निया बेपा माम्‍चु़नीकु ङादोडा मेर्मिमका सो़मु बासी।

१ तिमोथी 5:24

कोङ-कोङ मु़चु़मिमकाम छु़लमिम ने निया दु़म्‍मु ङादोङा जो़होमका ल्‍वासिमिम दु़म, लावो कोङनिमकु छु़लमिम ने दिफु कोङङा ल्‍वासी।

१ तिमोथी 4:14

एल्‍डरमिमका उनी ल्‍वा गानाडला जु़ल्‍मिडिलो माम्‍चु़नीलाममिम-जेसीलामका गाना ल्‍वान्‍नाम राप्‍लावा हाम ना हामकाम मेमिम्‍डा।

२ कोरिन्‍थी 5:10

गुइ खोत्‍ले ख्रीष्‍टका निया बेपा गन्‍खोपकु ङादोडा येम्‍सिमु बासी, मा मु़चु़का मिरो़मडा बाइडालो जो़पा डे मेजो़पा हाम बु़डु़म बु मेराम होम्‍साका निया ल्‍वासु़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

१ कोरिन्थी 4:2

मेम्‍मा आरेसाका खुन्‍चु़म ग्‍वाक्‍मा मु़चु़ थो़र लु़इमिम दु़म्‍मु बासी।

१ कोरिन्थी 1:11

हेङालोने आमा वा-ल्‍वाकनी, गानीगोडा रिबुसी गस्‍ताम बु ए र्‍वाक्‍साका क्‍लोएकु नेमडाममिमगोडाम कोङनिमका गोनुङ सो़म्‍डिम बु।

रोमी 14:12

मेम्‍मिमका गुइ बिइडिम खोत्‍ले खारीकु दुथाम माम्‍चु़नीनुङ त्‍वाकाङा सो़मु बासी।

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

लूका 12:20

“लावो माम्‍चु़नीका मेराम मु़चु़लाई र्‍वाम्‍डी, ‘ए नेप्‍ची मान्‍थिम मु़चु़, आनेप सिन्‍थाङा गाना सिना, मा इमा लागि फुट्‌नामा जु़ल्‍नाम खोत्‍ले खाप्‍ची सु़काम दु़म?’

मत्ती 12:36

गो गानीलाई र्‍वाङु, मु़चु़मिमका मेजो़पा हेङा जेम्‍डी, निया दु़म्मिम नेम मेराम माम्‍चु़नीनुङ सो़मु बासी।

मत्ती 20:8

“ने-नेम्‍थाका मे अङ्‍गूर येकु मु़चु़का उ खारी बेपा मु़चु़मिम रेपा मु़चु़लाई आरे बु़डु़, ‘खारी बेपा मु़चु़मिमलाई येडामिमा चङडा रोक्‍पामिमलामका खउलुङ ग्‍वामु चो़म्‍साका ङादो रोक्‍पामिमलाई ग्‍वाकामी।’

लूका 16:1

येशूका उनी सीसिपामिमलाई र्‍वाम्‍डी, “कोले खाप्‍चीचो़काम उ खाप्‍ची रेप्‍साक्‍पा कोले मु़चु़ बाइडा। खोत्‍ले उ खाप्‍ची मेराम मु़चु़का ब्‍लाम-ब्‍लाम बु़होम बु र्‍वाक्‍साका वाङमिम मु़चु़का मे खाप्‍चीचो़लाई थो़बेट्‌मिडी।

लूका 16:3

“मे खाप्‍ची रेप्‍साक्‍पा मु़चु़का उ नडा मिम्‍स्‍ता, ‘गोलाई आमा नेमहपका खाप्‍ची रेपा खारीलामका ख्‍लुमु खाम्‍ङी, गो हाम बोमु? ये-दडा खारी बेसाका पोमु आ सो मिबु, बिमुमा पोमु ने क्रो़म लु़।