लूका 16:19 - थुलुङ राई

¹⁹ “कोले खाप्‍चीचो़ बाइडा। मेरामका हापा थिकाम बैजनी रङकाम हुम-ये नुङ ये-सेम फस्‍थाल्‍ला, मा पेत्तो-डुत्तो एलेङगी बेत्तो हेल्‍लो लोवो बाइथाल्‍ला।

लूका 16:19 Referans Kwoze

रेम्‍बेट्‌मिडिम ल्‍वा 18:16

“डोक्‍पु शहर गाना हाउरेमा, हाउरेमा! जो़पा सुतीकु ये-सेम, बैजनी रङकु ये-सेम नुङ झ्‍वाक्‍पा लालाम ये-सेम फसिक्‍पा मा सो़ना, सोरलुङ नुङ दिरिल्‍यमिमका ब्‍ल्‍वासिक्‍पा।

रेम्‍बेट्‌मिडिम ल्‍वा 18:7

मेराम शहरका हाङको डोक्‍पु लिसिड्‌डा मा एलेङगी बु़डु़ मेकोतिङा दु़खा ग्‍वाक्‍नी, मेभ्रसी बेट्‌नी। मेरामका उमा नडा आरे र्‍वाक्‍साका डोक्‍पु लिसी, ‘गो हपमे होङङा गन्‍तासिङु, गो अर्दोमे मेएँ, मा गो हेल्‍लो वो मेख्राम्‍ङु-मेदुङु।’

रेम्‍बेट्‌मिडिम ल्‍वा 17:4

मे मेसेमका बैजनी रङकाम नुङ झ्‍वाक्‍पा लालाम ये फतासिड्‌डा, मा सो़ना, सोरलुङ नुङ दिरिल्‍यमिमका झ्‍वाक्‍पा बाइडा। मेराम मेसेमका उ नाम्‍सु़रु़ बेसीकु घ्राम्‍लु़पा नुङ मेजो़पा ल्‍वामिमका देम्‍पा सो़नाकु कान्‍चु़रे जेथाड्‌डु़।

लूका 16:1

येशूका उनी सीसिपामिमलाई र्‍वाम्‍डी, “कोले खाप्‍चीचो़काम उ खाप्‍ची रेप्‍साक्‍पा कोले मु़चु़ बाइडा। खोत्‍ले उ खाप्‍ची मेराम मु़चु़का ब्‍लाम-ब्‍लाम बु़होम बु र्‍वाक्‍साका वाङमिम मु़चु़का मे खाप्‍चीचो़लाई थो़बेट्‌मिडी।

मर्कूस 15:17

मेम्‍मा मेर्मिमका बैजनी रङकाम ब्लङमा फबेट्‌मिडी, मा चु़कु मुकुट किम्‍डिमा उनी बुइडला खुबेट्‌मिडी।

लूका 15:13

“कोलेम नलेम चङडा मे उ छारीचो़का खोत्‍ले उ खाप्‍ची भ्रेड्‌डु़मा कोङमीङा नेब्‍दीडा लस्‍ता। मेम्‍मा मेसिन्‍डा फुङदास बेसाका खोत्‍ले उ खउलुङ पार्डु़।

मर्कूस 15:20

मेर्मिमका येशूलाई नाले डान्‍मु डु़म्‍मिडिमा मे बैजनी रङकाम ब्लङमा प्‍लु़म्‍साट्‌मिडी, मा उनीमा ये ङा फबेट्‌मिडी, मेकोतिमा गुमीलाई क्रूसडा चेन्‍मुलाई पाखाथो़ ख्‍लुम्‍डी।

लूका 16:18

“उहेम मु़चु़का उ त्‍वाकु नाइमे ङेडु़मा कोङमी मेसेमलाई लालीकुन्‍दा बु़ माला मेराम मु़चु़का नाम्‍सु़रु़ बु़। मेम्‍मा उ वोचु़का ङेडु़मिम मेसेमलाई लालीकुन्‍दा बेपा मु़चु़का वो नाम्‍सु़रु़ बु़।

लूका 16:20

मेरामकु नेमगोनो हुपा लाम्‍चोकोडा कोले लाजरस नङकाम उ हाम वो मेबाट्‌पा बिपा मु़चु़लाई मु़चु़मिमका रेसाका चार्थाल्‍मिडी। मेरामकु खोत्‍ले रो़मडा पार कोङङा बाइडा।