लूका 16:16 - थुलुङ राई

¹⁶ “कु-रु़दु़म ग्‍वाक्‍पा यूहन्‍ना रोमु ङादोसम्‍म मोशाकु डु़म्‍ला नुङ माम्‍चु़नीलाम-जेपामिमकु सिजेमका गानीलाई क्रिन्‍निम बाइडा। लावो ओम्‍लो माम्‍चु़नीकु किब्‍दीकु दुथाम जो़पा-सेला गो थो़बेत्तोमिम बु, मा खोत्‍ले मु़चु़मिम माम्‍चु़नीकु किब्‍दीगोडा चाप्‍तो मेचाप्‍तो हुमु माल्‍तोङा बोमी।

लूका 16:16 Referans Kwoze

मत्ती 21:32

हेङालोने कु-रु़दु़म ग्‍वाक्‍पा यूहन्‍ना माम्‍चु़नीका माल्‍मिमिम होम्‍साका गानीलाई दो़बेड्‌डा इनीमाडा रोक्‍ता। लावो गुका र्‍वाक्‍ताम ल्‍वाडा गानी थो़र मेलु़निवा। कर फक्‍पामिम नुङ वेश्‍यामिमका ने गुका र्‍वाक्‍ताम ल्‍वाडा थो़र लु़म्‍डी। मेर्मिमका थो़र बेम्‍डिम ल्‍वान्‍निमा वो गुका र्‍वाक्‍ताम ल्‍वाडा थो़र बोमु मेबिन्‍सिट्‌निवा, मा इनीमा छु़ललाम मेख्‍लोन्‍सिट्‌निवा।”

यूहन्‍ना 1:45

फिलिपका नथानेललाई डार्डु़मा र्‍वाक्‍ता, “मोशाकु डु़म्‍लाडा नुङ माम्‍चु़नीलाम-जेपामिमका कोले मु़चु़कु दुथाम र्‍वाम्‍डिम मेराम मु़चु़लाई गुकु डार्तोको। गुमी नासरतडाम योसेफकु तारापाचो़ येशू।”

लूका 16:31

“अब्राहामका गुलाई र्‍वाक्‍ता, ‘मोशा नुङ माम्‍चु़नीलाम-जेपामिमकु सिजेम थो़मिमा उनी छु़ल न-गोलामका मिम्‍सिसाका मेख्‍लोम्‍सिमी माला सिमुलामका कोङनिम बगेङा लोवो मेर्मिमका मेथो़मी’।”

मत्ती 3:2

“छु़ललाम ख्‍लोन्‍सिट्‌नी, हेङालोने पाह्री-किब्‍दी रोम्‍फामुङा खाप्‍डु़म बु।”

थु़र्मा 3:18

ख्रीष्‍टका दु़खा ल्‍वामु बासी र्‍वाक्‍साका माम्‍चु़नीका खोत्‍ले माम्‍चु़नीलाम-जेपामिमकु सिलामका जेम्‍डिम सिजेम आरेसाका रोक्‍थिड्‌डा।

लूका 16:29

“लावो अब्राहामका र्‍वाक्‍ता, ‘मोशा नुङ माम्‍चु़नीलाम-जेपामिमका र्‍वाम्‍डिम खाजेम मेर्मिमनुङ बु। मेगोडा र्‍याक्‍मा सिजेमका र्‍वामिम होम्‍साका मेर्मिम दोमिनु़।’

लूका 10:11

‘माम्‍चु़नीका गानीलाई देन्‍दे ग्‍वानी र्‍वाक्‍पा रेम्‍बोमु लागि आकी फेम-खेलयु़ केम्‍सिक्‍पा इनी शहरडाम फुर्कु वो थेम्‍जो़ल्‍कु। लावो गानी ओराम चन्‍जो़ल्‍नी, माम्‍चु़नीकु किब्‍दी रोक्‍फाड्‌डाम ङा बु।’

लूका 10:9

मेराम शहरडाम मु़चु़मिमलाई सबेट्‌नी, मा मेर्मिमलाई र्‍वाक्‍नी, ‘माम्‍चु़नीकु किब्‍दी इनी फार्डा ङा रोक्‍फाड्‌डाम बु।’

मत्ती 4:17

मेम्‍लो आथाम येशूका आरे र्‍वाक्‍तो जो़पा-सेला थो़बेन्‍मु चो़म्‍मिडी, “इनी छु़लमिमलामका माम्‍चु़नीडा ख्‍लोन्‍सिट्‌नी, हेङालोने पाह्री-किब्‍दी फार्डाङा रोक्‍फाड्‌डाम बु।”

लूका 9:2

मा खोत्‍ले मु़चु़मिमलाई माम्‍चु़नीकु किब्‍दीकु दुथाम थो़बेड्‌डा नुङ नो़पा मु़चु़मिमलाई सबेड्‌डा थु़र्मिडी।

मर्कूस 1:14

यूहन्‍ना चु़म्‍मिडिम चङडा, माम्‍चु़नीकु जो़पा-सेला थो़बेत्तोङा येशू गालीलडा रोम्‍फाम्‍डी।

मत्ती 10:7

मा मेर्मिमकाडा लनिलो ‘पाह्री-किब्‍दी फार्डाङा रोक्‍फाड्‌डाम बु’ र्‍वाक्‍निमा थो़बेट्‌नी।

यूहन्‍ना 12:19

मेकोतिमा फरिसीमिमका उनी त्‍वाप-त्‍वापगोडा आरे र्‍वाबोमु चो़म्‍मिडी, “गुइ हाम वो बोमु मेचाप्‍सी। रेप्‍नी, खोत्‍ले मु़चु़मिम मेरामकु चङचङ लाम्‍दिम्‍ल्‍याम्‍डी।”

यूहन्‍ना 11:48

ओरामलाई आरे बोमु ग्‍वाक्‍ती माला खोत्‍लेका गुडला थो़रबोमी। मेम्‍मा रोमी सिपाहीमिमका रोमिमा इकीमा सो़रनेम नुङ नेब्‍दी निफिङा छो़रो़प बोमी।”

मर्कूस 1:45

लावो मेरामका गुमीका र्‍वाम्‍डिम होङङा मेबेसाका लस्‍तामा खोत्‍लेनुङ सो़मु चो़म्‍डु़, मा मेराम ल्‍वा खोत्‍लेथो़ फोन्‍स्‍ता। मेम्‍मिमका येशू देलबाडे ङादोम होम्‍साका मेबासाका मु़चु़का मेल्‍वाखोपबाडे कोङङा बुमु चो़म्‍मिडी। लावो मु़चु़मिम आथावो उनीमाडा खोत्‍लेलामका रोम्‍डिहोमङा बाम्‍डी।

मत्ती 4:23

येशूका घ्रो़म्‍दीनेममिमबाडे सीत्तो नुङ माम्‍चु़नीकाम किब्‍दीकु दुथाम जो़पा-सेला थो़बेत्तो, मा खोत्‍ले खालकाम सोमोरी नुङ नो़पा मु़चु़मिमलाई सबेत्तो गालीलडाम खोत्‍लेथो़ खिर्सिम्‍डी।

मत्ती 15:11

सिलामका हाम हु मेरामका मु़चु़लाई मेसेपा मेबु़, लावो सिलामका हाम ल्‍वा पाखानो लु, मेरामका मु़चु़लाई मेसेपा बु़।”

यूहन्‍ना 5:4

मिप्रङमाकु कोले पाह्रीचो़ थारी-थारीका योक्‍थाल्‍लामा मे दिनडाम कु थो़ट्‌थाल्‍लु़। मेम्‍मा मे कु दोमिम चङडा ङादो मेगोनो हुपा मु़चु़ हेप्‍माम सोमोरीनुङमा लोवो सस्‍थाल्‍ला।]