लूका 16:13 - थुलुङ राई

¹³ “कोले डु़ल्‍चो़का नले नेमहपकु चापे-डुपे बोमु मेचाप्‍सु़। मे डु़ल्‍चो़का कोले नेमहपलाई रिखाम बु़, मा कोङमीलाई मेद्‌वाकु़। कोलेका र्‍वामिम थो़पा दु़म्‍साका कोङमीलाई हाम ना हामकाम मिम्‍डु़। गानी माम्‍चु़नीकु खारी नुङ खउलुङ डु़पा खारी निफिङा बोमु मेचाम्‍नी।”

लूका 16:13 Referans Kwoze

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

लूका 14:26

“कोङनिम मु़चु़ आमा सीसिपा दु़म्‍मु न बु़ माला, मेराम मु़चु़का वो उ त्‍वाकु माम-पाप, उ नाइमे, उ चो़च्‍चो़मिम, उ वा-ल्‍वाकमिम, मा उ त्‍वापडाम वो हापा गोलाई रिखाम बोमु बासी। मेएँ माला मेराम मु़चु़ आमा सीसिपा मेदु़म।

याकूब 4:4

नाम्‍सु़रु़ बेपानी, सु़म्‍दिसेरनुङ ङोप्‍सो़बुङ दु़म्‍मु माम्‍चु़नीलाई नाप्‍छु़न्‍मु सो़ र्‍वाक्‍पा ल्‍वा गानी मेचनी? उहेमका सु़म्‍दिसेरनुङ ङोप्‍सो़बुङ दु़म्‍मु न बु़, मेराम माम्‍चु़नीकु स्वाक्‍चिमो मु़चु़ दु़म।

लूका 11:23

“उहेम मु़चु़ गोलाम मेबासी, मेराम मु़चु़ आमा कोर्थो़लाम दु़म। उहेमका गोनुङ मेखोप्‍डु़, मेरामका फोडु़।

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

मत्ती 4:10

मेकोतिमा येशूका शैतानलाई र्‍वाम्‍डी, “शैतान, ओलामका लस्‍ल्‍याडा, हेङालोने माम्‍चु़नीकु सिजेमडा र्‍यामा बु: ‘गाना इमा मिप्रङमा माम्‍चु़नीलाई कोङङा डोक्‍पु मिम्‍साका सेव साडा, मा उनीमा कोङङा लाले-पाङके बे’।”

लूका 9:50

लावो येशूका र्‍वाम्‍डी, “मेरामलाई मेम बोमुडाम मेभोप्‍नी। हेङालोने उहेम मु़चु़ इनी कोर्थो़लाम मेजे, मेराम मु़चु़ गानीलाम ङा बासी।”

लूका 16:12

गानी वाङमिमकु खाप्‍ची रेम्‍मुडा थो़रमेलु़इमिम दु़म्‍नी माला इनीमा खाप्‍ची माम्‍चु़नीका हेसाका ग्‍वानी मा?