लूका 16:11 - थुलुङ राई

¹¹ मेम्‍मिमका गानी सु़म्‍दिसेरडाम खाप्‍ची रेम्‍मु थो़रलु़पा मेदु़म्‍निवा माला ने माम्‍चु़नीका गानीलाई हेसाका पाह्रीलाम आच्‍छाङाकाम खाप्‍ची रेपा दु़म्‍बेनी मा?

लूका 16:11 Referans Kwoze

लूका 12:33

इनी खाप्‍चीमिम भ्रेट्‌नीमा उनी हाम वो मेबाट्‌पामिमलाई ग्‍वाक्‍साका इनी त्‍वाकाम लागि हेल्‍लो वो मेभ्रो़ट्‌पा फाजी बनेबेनी। मेम्‍मा हेल्‍लो वो मेदाम्‍पा खाप्‍ची पाह्रीला फुट्‌नी। मेला ने खुचु़वा मेरो, मा तु़मका वो मेकोकु़।

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

एफिसी 3:8

ख्रीष्‍टकु सेपा मु़चु़मिमगोडा गो खोत्‍लेडाम याक्‍के लोवो मिम्‍मु वो मेझापा हापा थिकाम ख्रीष्‍टकु दुथाममिम जो़पा-सेला वाङसामामिमलाई थो़बेट्‌पा डोक्‍पु खारी बोमु गोलाई ग्‍वाङडिमी।

लूका 18:22

ओराम ल्‍वा थो़म्‍डिमा येशूका मेरामलाई र्‍वाम्‍डी, “गाना आथावो कोले ल्‍वा बोमुबासिक्‍पा बु। गानानुङ बाट्‌पा खोत्‍ले इ खाप्‍ची भ्रेडामा उनी हाम वो मेबाट्‌पा मु़चु़मिमलाई मेराम खउलुङ ग्‍वाकामी। मेम्‍मा पाह्रीला गाना खाप्‍ची ल्‍वाना, मा बिका मा आमा चङचङ लाम्‍दिया।”

लूका 16:9

मेम्‍मिमका गो गानीलाई र्‍वाङु, सु़म्‍दिसेरडाम इनी खाप्‍ची ग्‍वाक्‍साका इनी त्‍वाकाम लागि ङोप्‍सो़ बनेबेन्‍जो़ल्‍नी। इनी साम लमा खउलुङ हाम ना हामकाम दु़मलो माम्‍चु़नीका गानीलाई पाह्रीला हेल्‍लो लोवो बुमु लागि येनी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

मत्ती 6:24

“सु़का वो नले नेमहपचिपकु चापे-डुपे बोमु मेचाप्‍सु़। मेरामका कोलेलाई रिखाम बु़, मा कोङमीलाई मेद्‌वाकु़। मेराम डु़ल्‍चो़ कोले नेमहपकु ल्‍वाडा दु़म, मा कोङमीलाई हाम ना हामकाम मिम्‍डु़। मेम्साका गानी वो माम्‍चु़नी नुङ खउलुङलाई कोयो डोक्‍पु मिम्‍साका निफिलाई सेव सान्मु मेचाम्‍नी।

लूका 16:12

गानी वाङमिमकु खाप्‍ची रेम्‍मुडा थो़रमेलु़इमिम दु़म्‍नी माला इनीमा खाप्‍ची माम्‍चु़नीका हेसाका ग्‍वानी मा?