लूका 16:10 - थुलुङ राई

¹⁰ “उहेम मु़चु़ याक्‍के खारीडा थो़रलु़इमिम दु़म, मेराम मु़चु़ डोक्‍पु खारीडा वो थो़रलु़इमिम दु़म। उहेम मु़चु़ याक्‍के खारीडा थो़रमेलु़इमिम दु़म, मेराम मु़चु़ डोक्‍पु खारीडा वो थो़रमेलु़इमिम दु़म।

लूका 16:10 Referans Kwoze

मत्ती 25:21

“नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

लूका 19:17

“हपका मेरामलाई र्‍वाक्‍ता, ‘छ्‌यावा! गाना छो़म जो़पा डु़ल्‍चो़, कतिकलङडाङा थो़रलु़इमिम दु़म्‍ना, को धु़म शहरडला गाना साखाम थो़पा दु़म्‍ना।’

मत्ती 25:23

“उ नेमहपका मेरामलाई र्‍वाक्‍ता, ‘जो़पा बेन्‍ना, थो़रलु़इमिम नुङ जो़पा डु़ल्‍चो़ गाना, याक्‍के ल्‍वाडाङा थो़रलु़इमिम दु़म्‍ना। गानालाई गो हापा डोक्‍पु ल्‍वामिम रेपा बनेबोनी। बिका, इमा नेमहपनुङ गेर्सा।’

हिब्रू 3:2

मोशा माम्‍चु़नीकु नेमडाम मु़चु़मिम गोडा थो़रलु़इमिम दु़स्‍ताम होङ्‍ङा येशू वो गुमीलाई थुट्‌पा माम्‍चु़नीडा थो़रलु़इमिम बाम्‍डी।

यूहन्‍ना 12:6

गुका आरे र्‍वाक्‍ताम ने उनी हाम वो मेबाट्‌पा मु़चु़मिमलाई ख्‍लो़पा नका र्‍वाक्‍ताम मेएँ गु खुचु़वा बाइडामका र्‍वाक्‍ताम। खउलुङकु फाजी गुका कुर्थाल्‍लु़मा मेलामका खुयु़थाल्‍लु़।

यूहन्‍ना 13:27

यहूदाका सो़बेम रङडु़ मेडे उमा न-गोडा शैतान हुङल्‍याड्‌डा। मेम्‍मा येशूका मेरामलाई र्‍वाम्‍डी, “गाना हाम बोमु खाम्‍नामिम, मेराम दाला बे।”

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

मत्ती 24:45

“उ नेमहपका नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?