लूका 16:1 - थुलुङ राई

¹ येशूका उनी सीसिपामिमलाई र्‍वाम्‍डी, “कोले खाप्‍चीचो़काम उ खाप्‍ची रेप्‍साक्‍पा कोले मु़चु़ बाइडा। खोत्‍ले उ खाप्‍ची मेराम मु़चु़का ब्‍लाम-ब्‍लाम बु़होम बु र्‍वाक्‍साका वाङमिम मु़चु़का मे खाप्‍चीचो़लाई थो़बेट्‌मिडी।

लूका 16:1 Referans Kwoze

१ पत्रुस 4:10

गानी खोत्‍लेका वाङमिमकु चापे-डुपे बोमु लागि राप्‍लावा ल्‍वान्‍निम बु। दिदामकु खाल-खालकाम राप्‍लावामिमडा माम्‍चु़नीकु जो़पा डु़ल्‍चो़मिम दु़म्‍नी।

लूका 12:42

ङाचो़ येशूका गुलाई र्‍वाम्‍डी, “मेम माला मेरामकु नेमहपका उ नेमडाममिमलाई जो़पा थारीका पोमु-डुमु ग्‍वाबेडु़मिम नेप्‍चीनुङमा नुङ थो़रलु़इमिम डु़ल्‍चो़ सु़?

याकूब 4:3

गानी बिनी लावो मेल्‍वानी, हेङालोने त्‍वाकु न गेर्सिबेन्‍मु लागि मेजो़पा नका बिनी।

तीतस 1:7

हेङालोने एल्‍डर ने माम्‍चु़नीकाम खारी बेपामिमका मुमा बेन्‍ला मेसो़सिक्‍पा दु़म्‍मु बासी। उ त्‍वाकु न होङङा बेपा, दाला छोक्‍चो बक्‍पा, डु़का सेट्‌पा, क्‍वाल्‍बा बेपा, खउलुङ ल्‍वामु लागि हाम लोवो बेपा दु़म्‍सिमेनु़।

लूका 15:30

छो़लो़मा मेसेमडा खउलुङ पार्पा मेराम इनी चो़ रोलो ने चाडकाम लागि डु़ल्‍मा बेनो वो मेरामकाम लागि फल्‍नी।’

लूका 15:13

“कोलेम नलेम चङडा मे उ छारीचो़का खोत्‍ले उ खाप्‍ची भ्रेड्‌डु़मा कोङमीङा नेब्‍दीडा लस्‍ता। मेम्‍मा मेसिन्‍डा फुङदास बेसाका खोत्‍ले उ खउलुङ पार्डु़।

लूका 19:20

“कोङमी डु़ल्‍चो़ रोक्‍तामा आरे र्‍वाक्‍ता, ‘ङाचो़, रेप्‍नी, इनी सो़नाकु खउलुङ आसिन्‍डा बु। ओराम खउलुङ गो रुमालडा बत्तोमा जु़ल्‍तोम बाइडा।

लूका 16:19

“कोले खाप्‍चीचो़ बाइडा। मेरामका हापा थिकाम बैजनी रङकाम हुम-ये नुङ ये-सेम फस्‍थाल्‍ला, मा पेत्तो-डुत्तो एलेङगी बेत्तो हेल्‍लो लोवो बाइथाल्‍ला।

लूका 8:3

हेरोद हपकु खउलुङ रेप्‍साक्‍पा खुजासकु नाइमे योअन्‍ना मा सुसन्‍ना नुङ वाङमी हापा मेसेममिम वो बाम्‍डी। मेर्मिमका उनी खाप्‍ची ग्‍वाक्‍साका येशूनुङ उनी सीसिपामिमलाई ख्‍लो़म्‍थाल्‍मिडी।

मत्ती 20:8

“ने-नेम्‍थाका मे अङ्‍गूर येकु मु़चु़का उ खारी बेपा मु़चु़मिम रेपा मु़चु़लाई आरे बु़डु़, ‘खारी बेपा मु़चु़मिमलाई येडामिमा चङडा रोक्‍पामिमलामका खउलुङ ग्‍वामु चो़म्‍साका ङादो रोक्‍पामिमलाई ग्‍वाकामी।’

लूका 16:2

मेम्‍मिमका मे खाप्‍चीचो़का मेरामलाई येड्‌डु़मा हिलाबु़डु़, ‘इमा दुथाम गो हाम-हुम थो़त्तोङा लेट्‌पु। खोत्‍ले खाप्‍चीकु हिसाब गोलाई रेम्‍बेट्‌ङी। आथाडा आनो गाना आमा खाप्‍ची रेम्‍मु मेल्‍वाना।’