लूका 15:7 - थुलुङ राई

⁷ गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

लूका 15:7 Referans Kwoze

लूका 5:32

माम्‍चु़नीकु न-गो होप्‍माम लिसिक्‍पा मु़चु़लाई गो येड्‌डा योङडोम मेएँ, लावो माम्‍चु़नीकु न-गो होप्‍माम मेबाट्‌पा छु़लचो़मिमकु न ख्‍लोसिनु़ र्‍वाक्‍साका योङडोम सो़।”

लूका 15:10

गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

मत्ती 18:13

गो गानीलाई आच्‍छाङा र्‍वाङु, दाम्‍पा मे भेन्‍दा डारु़मा मेदाम्‍पा गु-गुले (९९) भेन्‍दामिमडाम वो डार्डु़म कोलेडाम गु छो़म गेर्सी द्‍वा।

रोमी 7:9

कोबिलि गो डु़म्‍ला मान्‍थिङा नु़पा बाङडो लावो डु़म्‍ला डार्तो मेडे गो छु़ल छेत्तो मा गो ने सिङ्‍डो।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

लूका 15:29

लावो गुका उ पापनुङ र्‍वाक्‍ता, ‘रेप्‍नी, आकोम थसम्‍म गो इनी डु़ल्‍चो़ होङङा दु़म्‍साका खारी बेउहोम बुङु। गानी र्‍वाक्‍निम खोत्‍ले ल्‍वा बिसिङ्‌डो। लावो आ ङोप्‍सो़मिमनुङ ग्रुला पोमु लागि कोले छ्‌वाराकु चो़ ङा वो हेल्‍लो वो मेग्‍वाङ्‌निवा।

मत्ती 3:8

मेम्‍मिमका इनी छु़लमिमलामका माम्‍चु़नीडा ख्‍लोन्‍सिट्‌निम रेम्‍बेपा खारी बेनी।

लूका 15:6

मा नेमडा रोमा उ ङोप्‍सो़मिम नुङ उ साउखोरेमिमलाई येडु़मी। मेकोतिमा मेर्मिमलाई र्‍वा, ‘गुइ गेर्सिडी, हेङालोने आमा दाम्‍स्‍ताम भेन्‍दा गो डार्तोम बु।’

लूका 15:8

“कोले मेसेमनुङ को धु़म (१०) मत्तोकु सिक्‍का बाइडा। कोले दाम्‍स्‍तु़ माला गुका धिप्‍री चासाका बाय छिसु़मा मेडारु़मिमसम्‍म आथाजो़होम मेमालु़ मा?