लूका 15:32 - थुलुङ राई

³² लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

लूका 15:32 Referans Kwoze

लूका 15:24

हेङालोने ओराम सिडाम होङङा लु़ङडोम बाइडा, लावो ओम्‍लो नु़डाम बु। दाम्‍स्‍ताम बाइडा लावो ओम्‍लो ख्‍लोस्‍तामा इकीमाडा रोक्‍ताम बु।’ मेकोतिमा मेर्मिमका ग्रुला पेम्‍डि-डुम्‍डिमा गेर्सिक्‍तो छो़म्‍मु चो़म्‍मिडी।

रोमी 3:4

आरेप्‍माम हेल्‍लो वो मेदु़म, मु़चु़मिम लिमाचो़ दु़म्‍मी लोवो माम्‍चु़नी आच्‍छाङाकाम बुमी। माम्‍चु़नीकु सिजेमडा र्‍याक्‍मा बु, “गानी जेन्‍निम ल्‍वा आच्‍छाङा सो़ र्‍वाक्‍साका मु़चु़मिमका र्‍वामी, मा निया दु़म्‍मिम थारीका गानी घ्‍ल्‍वानी।”

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

लूका 7:34

मिनीचो़ रोक्‍ता, मा पु़रु़ डुङ्‌डु़, गानी मेरामलाई पोम्‍सा, डु़सेवा, मा कर फक्‍पा नुङ छु़लचो़मिमकु ङोप्‍सो़ र्‍वानी।

लूका 15:31

“मेकोतिमा उ पापका गुलाई र्‍वाक्‍ता, ‘थाकु, गाना ने हेल्‍लो लोवो गोनुङङा बुनामिम बु, मा खोत्‍ले आमा खाप्‍ची वो इमाङा सो़।

रोमी 11:15

हेङालोने माम्‍चु़नीका मेर्मिमलाई ङेट्‌मिडिलो सु़म्‍दिसेरडाम हापा मु़चु़मिम उनीमा त्‍वाकु मु़चु़ दु़म्‍मिडी माला, माम्‍चु़नी आथावो मेर्मिमनुङ दु़म्मी माला मेर्मिम ने सिमुलाम बम्‍गेडिम कोतिम ङा सो़।

मत्ती 18:11

[हेङालोने मिनीचो़ ने दाम्‍पा मु़चु़मिम ङा सेल्‍मु लागि योक्‍ताम सो़।]