लूका 15:29 - थुलुङ राई

²⁹ लावो गुका उ पापनुङ र्‍वाक्‍ता, ‘रेप्‍नी, आकोम थसम्‍म गो इनी डु़ल्‍चो़ होङङा दु़म्‍साका खारी बेउहोम बुङु। गानी र्‍वाक्‍निम खोत्‍ले ल्‍वा बिसिङ्‌डो। लावो आ ङोप्‍सो़मिमनुङ ग्रुला पोमु लागि कोले छ्‌वाराकु चो़ ङा वो हेल्‍लो वो मेग्‍वाङ्‌निवा।

लूका 15:29 Referans Kwoze

रेम्‍बेट्‌मिडिम ल्‍वा 3:17

‘गो खाप्‍चीचो़ बुङु, गोनुङ हापा खाप्‍ची बु मा गोलाई हाम वो मेबासी’ र्‍वाक्‍साका गाना र्‍वाना। लावो गाना इमा न-गो नो़पा, नाम्नाम्चो़ लु़इमिम, हाम वो मेबाट्‌पा, मिक्‍सीका मेल्‍वापा मा खालिन्‍ते बुनामिम मेचना।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

रोमी 7:9

कोबिलि गो डु़म्‍ला मान्‍थिङा नु़पा बाङडो लावो डु़म्‍ला डार्तो मेडे गो छु़ल छेत्तो मा गो ने सिङ्‍डो।

लूका 19:21

गो गानीडाम छो़म ङिङ्‌डो, हेङालोने गानी सिपे-लेम्‍पेडा जु़ल्‍पा मु़चु़ बुनी। गानी मेडु़प्‍निवाम खउलुङ रनी, मा गानी त्‍वाका मेख्‍लिनिवाम मा-के वो रु़म्‍निमा लनी।’

लूका 18:9

त्‍वाप माम्‍चु़नीकु न-गो होप्‍माम बुङु र्‍वाक्‍साका थो़रलु़पा मा वाङमिमलाई हाम ना हामकाम मिम्‍पा कोङ मु़चु़लाई येशूका ओराम सीसि-सो़म्‍दी र्‍वाम्‍डी,

लूका 17:10

मेम्‍साकाङा गो गानीलाई बेबेट्‌निनिम खोत्‍ले खारी बोमु दु़म्‍निमा र्‍वाक्‍नी, ‘गुकु आला-तोमा र्‍वामु घ्रेट्‌पा डु़ल्‍चो़ मेएँ। गुकु ने हाम बोमु बासिक्‍पा बाइडा, मेराम कोङङा बेत्तोकोम सो़’।”

लूका 15:7

गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

मत्ती 20:12

‘मे चङडा रोक्‍पा मु़चु़मिमका को घण्‍टा कोङङा खारी बेम्‍डी लोवो गुकु नेमतोम नेप्‍सुङडा ख्‍याक्‍साका खारी बेपालाई ग्‍वाक्‍तिकिम कोतिङा हापा खउलुङ मेर्मिमलाई ग्‍वाक्‍निमी।’

रोमी 3:27

मेम माला उहेम ल्‍वाकु दुथाम गुइ डोक्‍पु लिसिमु? डोक्‍पु लिसिक्‍पा ने ल्‍वा ङा मिबु। गुइ डु़म्‍ला होम्‍साका दोसीमिमका? मेम ने मेएँ, लावो येशूडा थो़र लु़इमिमका कोङङा सो़।

रोमी 3:20

डु़म्‍ला होम्‍साका दोपा मु़चु़ सु़ वो माम्‍चु़नीकु ङादोडा जो़पा मेदु़म, हेङालोने डु़म्‍लाका ने मु़चु़का बेम्‍डिम छु़ल रेम्‍बु़।

लूका 15:28

“ओराम ल्‍वा थो़स्‍तु़मा उ वाकाम छोक्‍चो बक्‍ता, मा नेमगोनो वो लमु मेबिसावा। लावो उ पाप पाखा लुक्‍तामा उ चो़लाई नेमगोनो बिकामा बिका बु़डु़।

लूका 15:30

छो़लो़मा मेसेमडा खउलुङ पार्पा मेराम इनी चो़ रोलो ने चाडकाम लागि डु़ल्‍मा बेनो वो मेरामकाम लागि फल्‍नी।’