लूका 15:28 - थुलुङ राई

²⁸ “ओराम ल्‍वा थो़स्‍तु़मा उ वाकाम छोक्‍चो बक्‍ता, मा नेमगोनो वो लमु मेबिसावा। लावो उ पाप पाखा लुक्‍तामा उ चो़लाई नेमगोनो बिकामा बिका बु़डु़।

लूका 15:28 Referans Kwoze

लूका 15:2

मेम्‍मिमका यहूदीमिमकु डु़म्‍ला सीपा पातु़म्‍रीमिम नुङ फरिसीमिमका आरे र्‍वाक्‍तो सु़म्‍बुर्मा किन्‍मु चो़म्‍मिडी, “ओराम मु़चु़ ने छु़लचो़मिमनुङ बु, मा मेर्मिमनुङङा पु़-डुङु़ वो।”

लूका 7:39

येशूलाई येट्‌पा फरिसीका ओराम ल्‍वास्‍तु़मा उ नड्‍डा आरे र्‍वाक्‍ता, “ओराम माम्‍चु़नीलाम-जेपा मु़चु़ माला ने हेप्‍माम मेसेमका गुलाई लु़प्‍तोङा लेडु़ र्‍वाक्‍साका चवा, हेङालोने मेराम ने छु़लचो़ मेसेम डे।”

थु़र्मा 14:2

लावो थो़र मेलु़पा यहूदीमिमका ने वाङसामामिमलाई थो़रलु़पामिमकु कोर्थो़लाम कोम्‍डिमा थो़रलु़पामिमकु न खेबेट्‌मिडी।

थु़र्मा 13:45

सेर्पा मु़चु़मिम ल्‍वाम्‍डिलो यहूदीमिम उनी नाचु़रका सिम्‍ल्‍याम्‍डी। मेकोतिमा मेर्मिम पावलकु कोर्थो़लाम बम्‍डी, मा गुलाई डक्‍साका जेम्‍डी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

लूका 13:34

“यरूशलेमडाम मु़चु़नी, गानी माम्‍चु़नीलाम-जेपामिमलाई सेनी, मा माम्‍चु़नीका इनीमाडा थु़र्मीडिम सेलाचो़मिमलाई लुङका ओम्‍निमी। घ्‍लोमीका बुब्‍लोमिमलाई उ लाप्‍तेरगोयु़ बोडु़-थारु़मिमिम होङङा गो गानीलाई कोदेप खोम्‍मु छो़म माल्‍निनी, लावो गानी मेम बोमु मेग्‍वाङनिवा।

लूका 5:30

लावो फरिसीमिम नुङ यहूदीमिमकु डु़म्‍ला सीपा पातु़म्‍रीमिमका येशूकु सीसिपामिमकु कोर्थो़लाम आरे र्‍वाक्‍तो छो़म सु़म्‍बुर्मा किन्‍मु चो़म्‍मिडी, “कर फक्‍पामिम मा वाङमिम छु़लचो़मिमनुङ गानी हेङा कोदेप पोनी डुनिमिम?”

मत्ती 20:11

मेर्मिमका उनी खउलुङ रम्‍डिमा अङ्‍गूर येकु मु़चु़कु कोर्थो़लाम जेमु चो़म्‍मिडी,

१ थेसलोनिकी 2:16

मेर्मिमका गुकुलाई वाङसामामिम सेल्‍सिक्‍पा जो़पा-सेला थो़बेन्‍मुडाम भोप्‍तिकी। आरे बेसाका मेर्मिमका हापा छु़लमिम बेत्तो लम्‍डी। मेर्मिमडाम छो़म माम्‍चु़नीकु छोक्‍चो बक्‍ताम बु, मा हुम-दडा मेर्मिमलाई देन्‍दे ग्‍वामी।

२ कोरिन्‍थी 5:20

मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

रोमी 10:19

मेम माला, “हाम इस्राएलीमिमका ओराम जो़पा-सेला थेसिमेथेट्‌मिवा?” थेसी ने थेट्‌मिडी, लावो मेराम होम्‍साका मेबेमिवा। माम्‍चु़नीका मोशालाम र्‍वाम्‍डिम बाइडा, “उहेम कोङ डोक्‍पु सामा मेएँ मेर्मिमलाई छेपुमी मा गानी मेर्मिमडला नाचु़र बेपा दु़म्‍बेनिनी। नेप्‍ची मान्‍थिम सामामिमलाई दिदाम रेम्‍बेसाका गो इनीमा छोक्‍चो फन्‍सानिनी।”

थु़र्मा 14:19

मेकोतिमा एन्‍टिओखिया शहर नुङ आइकोनियन शहरलामका यहूदीमिम रोम्‍डी, मा पावलकु कोर्थो़लाम बमु मे मु़चु़मिमलाई लेम्‍मिडी। मेर्मिमका पावललाई लुङका ओप्‍मिडी, मा सिडा र्‍वाक्‍पा मिम्‍सिम्‍डिमा शहरकु पाखाथो़ थु़त्तो लम्‍डी।

थु़र्मा 13:50

लावो यहूदीमिमका माम्‍चु़नीकु सो़रलोले बेपा डोक्‍पु नङ धोपा मेसेममिम नुङ शहरडाम डोक्‍पु ङाउमिमलाई कोम्‍डिमा पावल नुङ बारनाबासकु कोर्थो़लाम फम्‍डी। मेम्‍मा पावल नुङ बारनाबासलाई मेर्मिमका मेराम शहरलामका कोल्‍सोम्‍डिची।

मर्कूस 1:40

कोले जोन बेट्‌पा मु़चु़का क्रचु़खुम बेत्तो येशूनुङ, “गानी न बोनी माला गोलाई नु़बेन्‍मु चाम्‍ङिनी” र्‍वाक्‍ताम-र्‍वाक्‍तामङा बु़डु़।

लूका 15:27

मे डु़ल्‍चो़का र्‍वाक्‍ता, ‘इनी ल्‍वाक ख्‍लोसिम्‍डिमा रोम्‍डिम बु, गुमी नु़पाङा ख्‍लोसिम्‍डिमा रोम्‍डिमका इनी पापका चाडकाम लागि डु़ल्‍मिडिम बेनो फल्‍मिडी।’

लूका 15:29

लावो गुका उ पापनुङ र्‍वाक्‍ता, ‘रेप्‍नी, आकोम थसम्‍म गो इनी डु़ल्‍चो़ होङङा दु़म्‍साका खारी बेउहोम बुङु। गानी र्‍वाक्‍निम खोत्‍ले ल्‍वा बिसिङ्‌डो। लावो आ ङोप्‍सो़मिमनुङ ग्रुला पोमु लागि कोले छ्‌वाराकु चो़ ङा वो हेल्‍लो वो मेग्‍वाङ्‌निवा।