लूका 15:22 - थुलुङ राई

²² “लावो उ पापका डु़ल्‍चो़मिमलाई र्‍वाक्‍ता, ‘दाला छो़म जो़पा ये-सेम रेट्‌निमा ओरामलाई फबेट्‌नी। मेकोतिमा उ ब्रेप्‍चोडा चुकुरिम बाबेट्‌नी, मा खेलयु़ सो़लो़प ख्‍लु़सिबेट्‌नी।

लूका 15:22 Referans Kwoze

रेम्‍बेट्‌मिडिम ल्‍वा 6:11

मेम्‍मा मेर्मिम खोत्‍लेलाई माम्‍चु़नीका बुबुयाम ब्‍लाङमा ग्‍वाम्‍डी, मा माम्‍चु़नीकु खारी बेपामिम वो मेर्मिम होम्‍साका मु़चु़मिमका सेसाका ङार्सीडा मेलिथु़मसम्‍म आथावो लन्‍थाट्‍नी र्‍वाक्‍साका मेर्मिमलाई र्‍वाम्‍डी।

रेम्‍बेट्‌मिडिम ल्‍वा 19:8

माम्‍चु़नीका मे लारेमालाई जो़पा, छेको-छेकोम, झ्‍वाक्‍पा नो़ला नो़लाम ये-सेम फम्‍सिमु ग्‍वाम्‍डी।”

रेम्‍बेट्‌मिडिम ल्‍वा 7:9

ओराम चङडा ङार्मुङा मेझापा सेर्पा मु़चु़मिम ल्वाउतोमी। मेर्मिम ने खोत्‍ले नेब्‍दीलाम, ल्‍वा जेपालाम, खोत्‍ले सामा नुङ दोचो़डाम मु़चु़मिम हप गन्‍खोप नुङ भेन्‍दाचो़कु ङादोडा येम्‍तासिट्‌पा बाम्‍डी। मेर्मिमका बुबुयाम ब्‍लाङमा फम्‍तासिम्‍डी मा उनीमा ल्‍वाडा खजुरकु ग्रेममिम जेन्‍थाम्‍डी।

रोमी 8:15

हेङालोने गुइलाई डु़ल्‍चो़ दु़म्‍बेसाका आथावो ङिम लु़बेट्‍पा पेल मेएँ लावो गुइलाई माम्‍चु़नीका डु़ल्‍साड्‍डामिम जाउमो तारापाचो़ दु़म्‍बेट्‍पा माम्‍चु़नी-पेल ल्‍वास्‍तिमका गुइ माम्‍चु़नीलाई “अब्‍बा, पाप” र्‍वाक्‍साका सो़म्‍दी बिइ।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

गलाती 3:27

हेङालोने गानी खोत्‍ले येशू ख्रीष्‍टडा थो़रलु़साका कु-रु़दु़म रन्‍निमका गानी लाले ये-सेमका ब्‍ल्‍वासिट्‌निम होप्‍माम ख्रीष्‍टडा लाले बासी दोसीनुङमा दु़म्‍निम बु।

रोमी 13:14

मेम बोमु डिसाका जो़पा ये फम्‍सिक्‍मा होम्‍साका येशू ख्रीष्‍टकु जो़पा बासीदोसीडा लाम्‍दीइ। त्‍वाकु छु़लनुङमा मिरो़मडाम नसीहोमका मेदोसी।

रेम्‍बेट्‌मिडिम ल्‍वा 3:18

मुड्‌डा चासाका जो़पा बेम्‍मा सो़ना आमालामका भ्रेया मा गाना खाप्‍चीचो़ दु़म्‍ना, फम्‍सिमु लागि बुबुयाम ये-सेम आमालामका भ्रेया मा इमा क्रो़मलु़पा खालिन्‍ते ख्रेमु चाम्‍ना, मा इमा मिक्‍सीडा फिमु दबाई आमालाम भ्रेया मा इमा मिक्‍सीका ल्‍वामु चाम्‍ना र्‍वाक्‍साका गो गानालाई मुलु़ ग्‍वानी।

एफिसी 6:15

न-गो भ्रसिबेट्‍पा माम्‍चु़नीकु जो़पा-सेला थो़बेड्‍डा लक्‍पा सो़लो़प ख्‍लु़न्‍सिट्‌निमा झो़म्‍जो़ल्‍सिट्‌नी।

रोमी 3:22

आरेसाका माम्‍चु़नीका येशू ख्रीष्‍टडला थो़र बेपा खोत्‍ले मु़चु़मिमलाई जो़पा न-गोकाम दु़म्‍बेन्‍मी। हेङालोने गुमीका सु़लाई वो चोमिक्‍सी मेबोमी।

लूका 15:21

“उ तारापाचो़का र्‍वाक्‍ता, ‘पाआ, गो पाह्रीलाम माम्‍चु़नी नुङ इनी कोर्थो़लाम छु़ल बेउतो। आथा गो इनी तारापाचो़ र्‍वामु मेघ्रेट्‌पा बुङु।’

लूका 15:23

मेम्‍मा चाडकाम लागि डु़ल्‍मा बेनो फल्‍साका खोक्‍नी, मा गुइ पिइ-डुङीमा गेर्सिद्‌वाकी।