लूका 15:20 - थुलुङ राई

²⁰ मेकोतिमा गु बक्‍तामा उ नेम ख्‍लोस्‍ता। “लावो हापा होनोवा गु नेम बिक्‍तोङा लेड्‌डु़म उ पापका ल्‍वास्‍तु़, मा उ पापकाम छो़म थो़म भ्रो़स्‍तामा ओन्‍तो लक्‍साका उ चो़लाई सोकोफोप्‍डु़मा चुप बु़डु़।

लूका 15:20 Referans Kwoze

एफिसी 2:13

गानी मेराम थारीका माम्‍चु़नीडाम होनोवा बान्‍नी, लावो आथा ने माम्‍चु़नीका ख्रीष्‍टकु सिसिलाम गानीलाई उनीमा फार्डा रेट्‌निमिम बु।

एफिसी 2:17

गुमी योम्‍डिमा माम्‍चु़नीडाम होनोवा दु़म्‍पा गानी मेयहूदीमिम नुङ माम्‍चु़नी फार्डा बाट्‍पा यहूदीमिमलाई उनी न-थो़म घ्रो़म्‍बेट्‍पा जो़पा-सेला थो़बेट्‌मिडी।

थु़र्मा 20:37

मेकोतिमा मेर्मिम खोत्‍लेङा ख्राप्‍मिडी, मा पावललाई फोप्‍मिडिमा चुप बेम्‍डी।

थु़र्मा 2:39

हेङालोने ओराम इनीमा लागि, इनी चो़-चु़सु़मिमकाम लागि, मा माम्‍चु़नीका येन्‍मिमिम वाङथो़ बाट्‌पामिम खोत्‍लेकाम लागि गुमीका ग्‍वानिनी र्‍वाम्‍डिम बु।”

लूका 15:19

आथाडा आनो गो इनी तारापाचो़ र्‍वामु वो मेघ्रेन्‍ङी। लावो गोडला इनी न-थो़म रेम्‍बेसाका इनी खउलुङ ग्‍वाक्‍साका रेट्‌निम मु़चु़ होप्‍माम बेङिनिमा जु़ल्‍ङिनी।’

लूका 15:21

“उ तारापाचो़का र्‍वाक्‍ता, ‘पाआ, गो पाह्रीलाम माम्‍चु़नी नुङ इनी कोर्थो़लाम छु़ल बेउतो। आथा गो इनी तारापाचो़ र्‍वामु मेघ्रेट्‌पा बुङु।’