लूका 15:10 - थुलुङ राई

¹⁰ गो गानीलाई र्‍वाङु, आरेसाका उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला माम्‍चु़नी नुङ पाह्रीचो़मिम गेर्सिद्‌वामी।”

लूका 15:10 Referans Kwoze

लूका 15:7

गो गानीलाई र्‍वाङु, मेम्‍साकाङा उनी छु़ल न-गोलामका मिम्‍सिमुमा माम्‍चु़नीडा ख्‍लोम्‍सिमु मेबासिक्‍पा माम्‍चु़नीकु मिक्‍सीलामडा जो़पा मिम्‍सिक्‍पा गु-गुले (९९) मु़चु़मिमडाम वो उ त्‍वाकु छु़ल न-गोलामका मिम्‍सिक्‍साका माम्‍चु़नीडा ख्‍लोसिक्‍पा कोले छु़लचो़काम लागि पाह्रीला खोत्‍ले छो़म गेर्सिट्‌मी।

२ कोरिन्‍थी 7:10

माम्‍चु़नीकु न होम्‍साका न नो़ माला ने ओरामका मु़चु़लाई सेल्‍सिमु लागि उमा छु़ललाम माम्‍चु़नीडा ख्‍लोबेडु़। मेम्‍मिमका ओरामका सु़लाई वो मेखोर्सेडु़। लावो सु़म्‍दिसेरडाम ल्‍वाका न नो़ माला ओरामका सिमुलाम रेडु़।

लूका 13:5

मेम ने मेएँ सो़, गो गानीलाई आथावो र्‍वाङु, इनी छु़लमिम न-गोलामका मिम्‍सिसाका माम्‍चु़नीडा मेख्‍लोन्‍सिट्‌निवा माला गानी वो मेम्साका ङा पुयु़लुनी सो़।”

मत्ती 18:14

मेम्साकाङा ओ याक्‍केमिमगोडाम कोलेङा वो मेदाम्‍मिनु़ र्‍वाक्‍पा पाह्रीलाम इनीमा पापकाम न बु।

हिब्रू 1:14

लावो पाह्रीचो़मिम ने सु़? मेर्मिम ने माम्‍चु़नीका सेल्मिडिम मु़चु़मिमलाई ख्‍लो़प्‍डा थु़र्मिडिम पेलमिम सो़।

थु़र्मा 11:18

मे यहूदी थो़रलु़पामिमका ओराम थो़म्‍डिमा फमु डिट्‌मिडी। मेर्मिमका आरे र्‍वाक्‍तो माम्‍चु़नीकाम नङ कोम्‍डी, “माम्‍चु़नीका वाङसामामिमलाई वो गुमीथो़ ख्‍लोसिक्‍पा, मा सेल्‍सिक्‍पा जो़पा थारी ग्‍वाम्‍डी रेछा।”

लूका 7:47

मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

फिलेमोन 1:15

हेल्‍लो लोवो गानानुङ बुमु लागि ओनेसिमस घरिकोङ गानाडाम फ्‍वास्‍ताम रोओ।

थु़र्मा 5:19

लावो माम्‍चु़नीकु कोले पाह्रीचो़का सिन्‍था मे झ्‍यालखानकु लाम्‍चोकोमिम होल्‍साका मेर्मिमलाई पाखानो ख्‍लुक्‍तु़मी, मा र्‍वाक्‍ता,

मत्ती 10:32

“मु़चु़मिमकु ङादोडा उहेमका गोलाई रङी, पाह्रीला आमा पापकु ङादोडा मेरामलाई वो गो आमा सीसिपा र्‍वाङु।

लूका 12:8

“गो गानीलाई र्‍वाङु, गो आमा सीसिपा र्‍वाक्‍साका गानी मु़चु़मिमलाई र्‍वानी माला माम्‍चु़नीकु पाह्रीचो़मिमकु ङादोडा मिनीचो़का वो गानीलाई उ सीसिपामिम र्‍वा।

लूका 12:9

लावो उहेमका मु़चु़मिमकु ङादोडा आमा सीसिपा मेर्‍वा, माम्‍चु़नीका पाह्रीचो़मिमकु ङादोडा मेराम मु़चु़लाई गो आमा सीसिपा मेर्‍वाङु।

लूका 15:9

दाम्‍स्‍ताम खउलुङ डारु़मिम चङडा गुका उ ङोप्‍सो़मिम नुङ उ साउखोरेमिमलाई येडु़मिमा र्‍वा, ‘गुइ गेर्सिडी, हेङालोने दाम्‍स्‍ताम आमा खउलुङ गो डार्तो।’

लूका 15:11

मेकोतिमा येशूका मेर्मिमलाई र्‍वाम्‍डी, “कोले मु़चु़काम नले तारापाचो़ बाच्‍ची।