लूका 14:28 - थुलुङ राई

²⁸ “गानीगोडाम कोङनिमका कोले नेम बनेबोमु न बु़लो मे नेम बनेबोमु दु़म्‍मिमसम्‍म लिट्‌पा खउलुङ गुनुङ बु डे मिबु र्‍वाक्‍साका ङादोङा ङार्जो़लु़।

लूका 14:28 Referans Kwoze

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

लूका 14:33

मेम्‍मिमका गानीगोडाम उहेमका उ त्‍वापनुङ बाट्‌पा खोत्‍ले ङेन्‍मु मेचाप्‍सु़, मेराम आमा सीसिपा मेदु़म।

थु़र्मा 21:13

लावो पावलका र्‍वाक्‍ता, “गानी हेङा आरेसाका ख्राम्‍नीमा आमा न चनिमिम? गो ङाचो़ येशूकाम लागि यरूशलेमडा बन्‍ला सो़म्‍सिमु कोङङा मेएँ, सिमु ङा वो हाम होङ्‍ङा मेलु़ङु।”

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

लूका 14:27

उहेम मु़चु़का उ त्‍वाकु क्रूस कुर्साका आमा चङचङ मेलाम्‍दी मेराम आमा सीसिपा दु़म्‍मु मेचाप्‍सु़।

लूका 14:29

मेएँ माला ने मेरामका नेमकु फार गडु़मिम चङडा उ खउलुङ हुक्‍तामा बनेबोमु मेचाप्‍सु़वा माला ल्‍वापा मु़चु़मिम खोत्‍लेका आरे र्‍वाक्‍तो सेम्‍ला बेन्‍मी।