27 उहेम मु़चु़का उ त्वाकु क्रूस कुर्साका आमा चङचङ मेलाम्दी मेराम आमा सीसिपा दु़म्मु मेचाप्सु़।
उहेमका उ त्वाकु क्रूस कुर्साका आमा चङचङ मेलाम्दी, मेराम मु़चु़ आमा सीसिपा दु़म्मु मेघ्रेडु़।
येशूका मेरामलाई रेप्मिडिमा नाम-नामचो़ लु़त्तोङा र्वाम्डी, “गाना आथावो कोले खारी बोमु बासी। लक्सामा गानानुङ हा-हाम बु, मेर्मिम खोत्ले भ्रेडा, मा उनी हाम वो मेबाट्पामिमलाई ग्वाकामी। मेकोतिमा गाना पाह्रीला खाप्ची ल्वाना, मा बिकामा गोनुङ लाम्दिया।”
ख्रीष्ट येशूडा माम्चु़नीकु लाम्दी होम्साका लाम्दिमु माल्पामिम खोत्ले मु़चु़काम छो़म उनी थो़मतेर्सी।
मेसिन्डा मेर्चिपका थो़रलु़पामिमलाई उनी थो़र बर्बेसाक्चिमी, मा उनी थो़रलु़सीडा सो हन्बेट्साक्चिमी। मेर्चिपका र्वाक्ची, “गुइ माम्चु़नीकु किब्दीगोडा हुमु हापा मेझापातो दु़खा ल्वामु बासी।”
लावो मेराम दु़प्पा सक्फार मान्थिम भ्रल होङङा हापा थो़र मेलु़पा दु़म। मेम्मा गुका थो़र लु़डामका दु़खा ग्वामिमा उ थो़मतेर्सामिलो थो़र लु़मु डिथाडु़।
मेम्मिमका गो ओर्मिम ल्वाकु दुथाम दु़खा इम्तोङा लेट्पु, लावो ओरामडाम आमा क्रो़म मेलु़। हेङालोने सु़डला थो़र लु़ङडोम बु गो छेपु गुमी येशू। मेम्मा गुमीका गोलाई ग्वाङ्डिमिम खारीडा सु़म्दिसेर हुक्पा थारीसम्म बोङिमी-थार्ङिमी र्वाक्पा लु़ङ्डोम बु।
गुमीका उनी त्वाकु क्रूस त्वाकाङा कुर्साका बुइसेर र्वाक्मा बायथो़ लम्डी, मेरामलाई हिब्रू ल्वाडा गल्गथा र्वामी।
कुरेनीडाम सिमोन, गु अलेक्जेन्डर नुङ रूफसकु पाप बाइडा। गु देललामका बिक्तोङा बेपा मेर्मिमका डार्मिडी, मा मेरामलाई येशूकु क्रूस कुर्मु क्र्वाम्डी।
“गानीगोडाम कोङनिमका कोले नेम बनेबोमु न बु़लो मे नेम बनेबोमु दु़म्मिमसम्म लिट्पा खउलुङ गुनुङ बु डे मिबु र्वाक्साका ङादोङा ङार्जो़लु़।