24 हेङालोने गो ङादो येत्तोमिम मु़चु़मिमगोडाम कोलेका वो आमा ग्रुला दो़म्मु मेल्वामी’।”
“मेम्मिमका गो गानीलाई र्वाङु, माम्चु़नीकु किब्दी रोला सो़न्सिनी, मा ओरामकु मा सिन्बेट्पा मु़चु़मिमलाई माम्चु़नीका ग्वामी।
पावल नुङ बारनाबासका मेङिसाका र्वाक्ची, “माम्चु़नीकु सिजेम ङादो गानीलाई ङा थो़बेन्मु बासिक्पा बाइडा, लावो गानी मेद्वानिवा, मा इनी त्वाप ङा हेल्लो वो मेसिपा त्वारो़म ल्वामु मेघ्रेट्पा दु़म्नी। मेम्मिमका आथा ने गुचुकु वाङसामामिमकाडा लचुकु।
उहेमका माम्चु़नीकु तारापाचो़डला थो़र बु़, मेरामनुङ मेसिपा त्वारो़म दु़म। उहेमका तारापाचो़का र्वामिमिम मेथो़सु़, मेरामका मेसिपा त्वारो़म मेल्वासु़। लावो माम्चु़नीकु देन्दे मेरामडला दु़महोम बु।”
“मेकोतिमा गुका उ डु़ल्चो़मिमनुङ र्वाक्ता, ‘लालीकुन्दाकाम ग्रुला थिक्ताम बु, लावो येट्मा बोच्चो़मिम ने रोमु घ्रेट्पा मेदु़म्मिवा।
गानी इनीमा त्वाकु छु़लडा सिनी र्वाक्साका गो गानीलाई र्वाङ्डो। गो गुमीङा र्वाक्साका गानी थो़र मेलु़निवा माला गानी इनीमा छु़लडा सिनी।”
मुलु़दुङकु ओरामङा सो़: माम्चु़नीकु ओल सु़म्दिसेरडा योक्ताम बाइडा। लावो मु़चु़मिमका ओलडाम ने तुकुम्चिमङा हापा द्वाम्डी, हेङालोने मेर्मिमकु खारीमिम मेजो़पा बाइडा।
आथावो येशूका मेर्मिमलाई र्वाम्डी, “गो ओलामका लङु मा गानी गोलाई माल्ङिनी, लावो गानी इनीमा छु़लडा सिनी। गो बान्ते लङु मेसिन्डा गानी रोमु मेचाम्नी।”
“नेमहपका उ डु़ल्चो़लाई र्वाक्ता, ‘हापा भापा लाम्दी नुङ याक्के लाम्दीबाडे लक्सामा मु़चु़मिमलाई रोक्नीमा रोक्नी बेमी, मा मे मु़चु़मिमका आमा नेम देम्नु़।
कोलेम छो़म सेर्पा मु़चु़मिम येशूकु चङचङ लक्तोङा बेम्डी, मा गुमीका मेर्मिमथो़ ख्लोसिम्डिमा र्वाम्डी,