लूका 14:23 - थुलुङ राई

²³ “नेमहपका उ डु़ल्‍चो़लाई र्‍वाक्‍ता, ‘हापा भापा लाम्‍दी नुङ याक्‍के लाम्‍दीबाडे लक्‍सामा मु़चु़मिमलाई रोक्‍नीमा रोक्‍नी बेमी, मा मे मु़चु़मिमका आमा नेम देम्‍नु़।

लूका 14:23 Referans Kwoze

कलस्‍सी 1:28

गुकु ख्रीष्‍टकु दुथाम खोत्‍ले मु़चु़मिमनुङ सो़कु। खोत्‍लेलाई ख्रीष्‍टडा सोनुङमा दु़म्बेसाका माम्चु़नीकाडा रेन्थिमु लागि आकी खोत्‍ले नेप्चीनुङ मेर्मिमलाई ङिमसान्‍कु, मा आकी थेसी सीकुमी।

२ कोरिन्‍थी 5:11

ङाचो़काम ङिम जु़ल्‍मु र्‍वाक्‍पा ल्‍वा गुकु चक्‍तोकोमका मु़चु़मिमलाई माम्‍चु़नीडा थो़र लु़बेन्‍मु माल्‍कु। आकीमा दुथाम माम्‍चु़नीका खोत्‍ले चमी, मा गानी वो आमा दुथाम जो़होमका चनिमिमङा बु र्‍वाक्‍पा आमा न बु।

२ तिमोथी 4:2

जो़पा-सेला थो़बेडामी, हाङकोलो लोवो जो़पा-सेला थो़बेन्‍मुडा न सोका, मु़चु़मिमलाई लु़म्‍ला बेडामी, भुरामी, उनीमा सो हन्‍बेसाडामी, मा इम्‍सिक्‍साका बुमुडा नुङ सीमुडा चङचङया बाया।

२ कोरिन्‍थी 5:20

मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

रोमी 10:18

मेम माला हाम मेर्मिमका थो़म्डिम मिबु? मेएँ मेर्मिमका थो़म्‍डी। “मेर्मिमकु लो़लाम खोत्‍ले सु़म्‍दिसेरडा फोन्‍सिड्‍डा मा मेर्मिमका र्‍वाम्‍डिम ल्‍वा सुबु बिर्खोपसम्‍म रोक्‍थिड्‍डा।”

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

थु़र्मा 18:6

लावो मेर्मिमका पावलकु ल्‍वा मेथो़मिवामा उ कोर्थो़लाम बम्‍डी। मेकोतिमा गुका उ येड्‌डाम फुर्कु थेप्‍तो आरे बु़डु़मी, “खोत्‍ले इनीमा मेजो़पा खारीमिम इनीमा बुइडला ङा बुसिनु़, गो देन्‍दे मेल्‍वाउनु़। आथाडा आरे गो वाङसामामिमकाडा लङु सो़।”

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

थु़र्मा 9:15

ङाचो़का हननियानुङ र्‍वाम्‍डी, “मेरामकाडा लक्‍सा, हेङालोने वाङसामामिम, मा मेर्मिमकु हपमिम, मा इस्राएलीमिमगोडा आमा नङकु दुथाम सो़पा मु़चु़ गो मेरामलाई छेत्तोम बु।

मत्ती 21:43

“मेम्‍मिमका गो गानीलाई र्‍वाङु, माम्‍चु़नीकु किब्‍दी रोला सो़न्‍सिनी, मा ओरामकु मा सिन्‍बेट्‌पा मु़चु़मिमलाई माम्‍चु़नीका ग्‍वामी।

थु़र्मा 16:15

मेकोतिमा लिडिया नुङ उ नेमडाममिम खोत्‍लेका कु-रु़दु़म रम्‍डी। गुका गुकुनुङ आरे र्‍वाक्‍ताम-र्‍वाक्‍तामङा बु़डु़, “गानी गोलाई माम्‍चु़नीडा थो़रलु़पा र्‍वाक्‍साका मिम्‍ङिनी माला आमा नेमडा रोक्‍नीमा बानी।” मेकोतिमा उमा ल्‍वा बिसिक्‍तोको।

लूका 24:29

लावो मेर्चिपका गुमीलाई “गुचुकुनुङङा बुइ हेङालोने दुङमा र्‍यामु खाप्‍डु़म बु” र्‍वाक्‍चिम-र्‍वाक्‍चिमङा बेच्‍ची। मेकोतिमा गुमी मेर्चिपनुङङा बुमु लागि नेमगोनो हुम्‍डी।

मत्ती 5:41

कोङनिमका गानीलाई को माइलसम्‍म गुनुङ लाम्‍दी बेट्‌नी माला नक माइलसम्‍मङा गुनुङ लक्‍नी।

लूका 14:22

“मेकोतिमा डु़ल्‍चो़का उ नेमहपलाई र्‍वाक्‍ता, ‘ङाचो़का र्‍वाक्‍निम होप्‍माम खोत्‍ले मु़चु़मिमलाई रेत्तोमिम बु। लोवो आथावो बोच्‍चो़मिम गन्‍खोप खोम ने हापाङा बु।’

लूका 14:24

हेङालोने गो ङादो येत्तोमिम मु़चु़मिमगोडाम कोलेका वो आमा ग्रुला दो़म्‍मु मेल्‍वामी’।”