लूका 14:21 - थुलुङ राई

²¹ “मेकोतिमा डु़ल्‍चो़ ख्‍लोसिक्‍साका रोक्‍तामा नेमहपनुङ ओराम ल्‍वा सो़यु़डु़। मेम्‍मा उ नेमहपकु छोक्‍चो बक्‍तामा उ डु़ल्‍चो़लाई र्‍वाक्‍ता, ‘दाला लक्‍सामा शहरडाम डोक्‍पु याक्‍के लाम्‍दी-गुदीबाडेम उनी हाम वो मेबाट्‌पामिम, मेचापामिम, ल्‍वा-खेल ब्‍लेट्‌पामिम, मा मिक्‍सीका मेल्‍वापामिमलाई आसिन्‍डा रेडामी।’

लूका 14:21 Referans Kwoze

लूका 14:13

लावो गाना ग्रुला पेप्‍डा उनी हाम वो मेबाट्‌पामिम, ल्‍वा-खेल ब्‍लेट्‌पा, मेचापामिमलाई, मा उनी मिक्‍सीका मेल्‍वापामिमलाई येडामी,

याकूब 2:5

आमा वा-ल्‍वाकनी, थो़नी, सु़म्‍दिसेरडाम उनी हाम वो मेबाट्‌पा मु़चु़मिमलाई माम्‍चु़नीका थो़रलु़सीडा खाप्‍चीचो़ दु़म्‍बेन्‍मु छेट्‌मिडिम मिबु मा? गुमीलाई रिखाम बेपामिमलाई ङादो याचे जेम्‍डिम होम्‍साका उनीमा किब्‍दी ल्‍वापा मेर्मिम मेएँ मा?

मत्ती 11:5

मिक्‍सीका मेल्‍वापामिमका मिक्‍सीका ल्‍वाम्‍डिम, मा खेल सोक्‍पामिम लाम्‍दिम्‍डिम बु। जोन बेट्‌पामिम सम्‍डिम बु। नोफ्‍लाका मेथो़पामिमका थो़मी, सिपा मु़चु़मिम सिमुलाम बम्‍गेम्‍डिम बु, मा उनी हाम वो मेबाट्‌पामिमका माम्‍चु़नीकु जो़पा-सेला थो़त्तोङा लेन्‍मी।

यूहन्‍ना 9:39

येशूका र्‍वाम्‍डी, “मिक्‍सीका मेल्‍वापा मु़चु़मिमका मिक्‍सीका ल्‍वामिनु़, मा मिक्‍सीका ल्‍वापामिम मेल्‍वापा दु़म्‍मिनु़ र्‍वाक्‍साका निया बोमु लागि गो सु़म्‍दिसेरडा योङडोम सो़।”

लूका 14:24

हेङालोने गो ङादो येत्तोमिम मु़चु़मिमगोडाम कोलेका वो आमा ग्रुला दो़म्‍मु मेल्‍वामी’।”

हिब्रू 2:3

मेम्‍साकाङा गुइ मेरामडाम वो आकोति छो़म डोक्‍पु सेल्‍सीकु सीसिथो़ न मेसोकिवा माला हेसाका मेराम डोक्‍पु देन्‍दे ल्‍वामुडाम वाङ दु़म्‍सी मा? ङाचो़ उनी त्‍वाकाङा ङादो ओराम सेल्‍सिसीकाम सीसिकु दुथाम र्‍वाम्‍डी। मेम्‍मा गुमीका र्‍वाम्‍डिम ल्‍वा थो़पामिमका ङा ओराम आच्‍छाङा र्‍वाक्‍साका रेम्‍बेम्‍डी।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

रेम्‍बेट्‌मिडिम ल्‍वा 19:15

उनी सिलाम हन्‍पा कातु़रु़ मु़चु़मिमलाई चार्मु लु। “गुमीका मेर्मिमलाई हपका मोकु़मिम होप्‍माम सेलकु डु़लु़म्‍चो़का साखाम थो़मी।” गुमीका मेर्मिमलाई खोत्‍लेडलाम यु़मनुङमा माम्‍चु़नीकु छोक्‍चो रेम्‍बेन्‍मी। मेराम ने अङ्‍गूर धेम्‍साका खाल्‍पा मु़चु़ होङङा गुमीका उनी मिक्‍सीकु पिमिमलाई देम्‍मिमिम सो़।

हिब्रू 13:17

मण्‍डलीडाम ङाचो़मिमकु ल्‍वाडा बानी मा मेर्मिमका र्‍वामिमिम थो़नी। हेङालोने ङाचो़मिमका हेल्‍लो लोवो इनीमा त्‍वारो़म बोमी-थार्मी मा माम्‍चु़नीकु ङादोडा मेर्मिमका इनीमा खारीकु दुथाम सो़मी। मेर्मिमका ओराम खारी गेर्सी द्‌वाक्‍तो बोमिनु़, मेभ्रसिक्‍तो खारी बोमी माला ने मेरामलाम गानी हाम वो जो़पा ल्‍वा मेल्‍वानी।

लूका 24:47

मा छु़ल उनी न-गोलामका मिम्‍सिसाका माम्‍चु़नीडा ख्‍लोसिमुमा पाचो ल्‍वामु लागि यरूशलेमलामका चो़म्‍सिक्‍साका खोत्‍ले सामाडाम मु़चु़मिमलाई ख्रीष्‍टकु दुथाम थो़बेन्‍मुमि बासी।’

मत्ती 11:28

“ए लिपा ल्वा कुर्पा नुङ इनी खारीडाम घ्रु़म्‍पा मु़चु़नी, आमाडा रोक्‍नी। गो गानीलाई ङेम्‍सिमु ग्‍वानिनी।

लूका 9:10

थु़र्मामिमका जो़पा-सेला थो़बेट्‌मिडिमा ख्‍लोसिम्‍डिम चङडा मेर्मिमका बेम्‍डिम खोत्‍ले खारीकु दुथाम येशूनुङ सो़म्‍डी। येशू मेर्मिमनुङ कोयोङा बेथसेदा र्‍वाक्‍मा शहरडा लम्‍डी।

मत्ती 18:31

गुनुङ खारी बेपा वाङमिम ङोप्‍सो़का ओराम ल्‍वाम्‍डिमा छो़म उनी गो नो़डा। मेर्मिम लम्‍डिमा ओराम ल्‍वाकु दुथाम खोत्‍ले उनी हपनुङ सो़म्‍डी।

मत्ती 15:12

मेकोतिमा सीसिपामिम रोम्‍डिमा गुमीलाई र्‍वाम्‍डी, “गानी र्‍वाक्‍निम ल्‍वाका फरिसीमिमकु थो़म्‍बोकडा दुड्‌डु़ र्‍वाक्‍पा गानी चनिम मिबु?”

लूका 14:20

“कोङमीका र्‍वाक्‍ता, ‘गो मालो लालीकुन्‍दा बेउतोम बु, मेम्‍मिमका गो मेरोङु।’

लूका 14:22

“मेकोतिमा डु़ल्‍चो़का उ नेमहपलाई र्‍वाक्‍ता, ‘ङाचो़का र्‍वाक्‍निम होप्‍माम खोत्‍ले मु़चु़मिमलाई रेत्तोमिम बु। लोवो आथावो बोच्‍चो़मिम गन्‍खोप खोम ने हापाङा बु।’

मत्ती 20:7

“मेर्मिमका गुनुङ र्‍वाम्‍डी, ‘गुकुलाई सु़का वो खारी बोमु लागि मेभ्रेकिमिवा।’ “ये-दकु मे मु़चु़का मेर्मिमलाई र्‍वाक्‍ता, ‘गानी वो लक्‍निमा आमा अङ्‍गूर येडा मु़चु़मिमनुङ खारी बेनी।’