लूका 14:18 - थुलुङ राई

¹⁸ “लावो मेर्मिम खोत्‍ले बोच्‍चो़मिम मेपोसिक्‍पा लिसिम्‍डी। कोलेका मे डु़ल्‍चो़लाई र्‍वाक्‍ता, ‘गो किचो़ ब्‍याङसी भ्रेउतोम बु, मे रेप्‍डा लमु बासी। मेम्‍मिमका रोमु मेयु़ट्‌पु गोलाई पाचो ग्‍वाङनी।’

लूका 14:18 Referans Kwoze

लूका 18:24

मेकोतिमा मेरामका उ ङाली डस्‍तु़म येशूका ल्‍वाम्‍डी। मेम्‍मिमका गुमीका र्‍वाम्‍डी, “खाप्‍चीचो़ ने माम्‍चु़नीकु किब्‍दीगोडा हुमु छो़म छो़पा दु़म।

२ तिमोथी 4:4

मु़चु़मिमका आच्‍छाङाकाम सीसि थो़मु डिन्‍मी, मा हाम ना हामकु सो़म्‍दीमिमडाङा थो़रलु़मी।

यूहन्‍ना 5:40

मेम्‍मा वो ओराम त्‍वारो़म ल्‍वामु लागि आमाडा रोमु मेद्‌वानी।

यूहन्‍ना 1:11

गुमी उनी त्‍वाकु मु़चु़मिमकाडा योम्‍डी, लावो उनी मु़चु़मिमका गुमीलाई हुनाखाना मेबेमिवा।

लूका 8:14

मे चु़दुडा झुक्‍पा भ्रल ने मेर्मिमङा सो़, उहेमका माम्‍चु़नीकु सिजेम थो़मु ने थो़मी लावो मिरो़मकु दुथाम मिम्‍ताम-सो़र्ताम बेपा, मा खाप्‍चीचो़ दु़म्‍मु न बेपा नुङ नसीहोम बोमु माल्‍पा नकाम दु़म्‍मी। मेम्‍मिमका मेर्मिमकु थो़र बर्मुमा मा सिन्‍बेन्‍मु मेचाम्‍मी।

हिब्रू 12:16

सु़ वो वाङमिम मेसेमनुङ अम्‍पा लोवो माम्‍चु़नीलाई डोक्‍पु मेबेपा एसाव होप्‍माम मेदु़म्‍नु़, एसावका तोङदीचो़ दु़स्‍ताम उमा साखाम कोसि पोमुडा भ्रेड्‌डु़म बाइडा।

२ तिमोथी 4:10

हेङालोने डेमासका ओराम सु़म्‍दिसेरलाई रिखाम बु़डु़मा गोलाई डिसाका थेसलोनिके शहरडा लस्‍ताम बु। क्रेसेन्‍स गलातिया क्षेत्रडा लस्‍ताम बु, मा तीतस ने दलमातिया क्षेत्रडा लस्‍ताम बु।

लूका 14:17

ग्रुला थिक्‍ता, मा मेराम मु़चु़का उ डु़ल्‍चो़लाई आरे बु़डु़मा बोच्‍चो़मिमलाई येड्‌डा थु़र्स्‍तु़, ‘खोत्‍ले पोमु-डुमु थिक्‍ता पेप्‍डा रोक्‍नी।’

लूका 14:19

“मेकोतिमा कोङमीका र्‍वाक्‍ता, ‘गो ङो हल बेनो भ्रेउतोम बु, मेर्मिमका हाङको जो़पा झोमी गो मेराम रेम्‍मु बासिक्‍पा बु। रोमु मेयु़ट्‌पु गोलाई पाचो ग्‍वाङनी।’

फिलिप्‍पी 3:4

मेम्‍मा वो गोनुङ ने आरेप्‍माम नो़ डोक्‍पु बेपा ल्‍वामिम बु। कोङनिमका त्‍वाकु बेसी-दोसीडा नो़ डोक्‍पु बेपा ल्‍वामिम बु र्‍वाक्‍पा मिम्‍सी माला मेरामकामडाम वो हापा गोनुङ बुमी: