लूका 14:15 - थुलुङ राई

¹⁵ येशूनुङ ग्रुला पेप्‍डा गन्‍पामिमगोडाम कोले मु़चु़का ओराम ल्‍वा थो़स्‍तु़मा गुमीलाई र्‍वाक्‍ता, “उहेमका माम्‍चु़नीकु किब्‍दीडा ग्रुला पु़ मेराम आलाकाम सो़।”

लूका 14:15 Referans Kwoze

रेम्‍बेट्‌मिडिम ल्‍वा 19:9

मेम्‍मा मे पाह्रीचो़का गोनुङ र्‍वाक्‍ता, “ओराम ल्‍वा र्‍याका: भेन्‍दाचो़कु लालीकुन्‍दाडाम ग्रुलाडा येन्‍सिक्‍पा मु़चु़मिम आलाकाम सो़!” मेम्‍मा गुका आथावो र्‍वाक्‍ता, “माम्‍चु़नीकाम आच्‍छाङाम सिजेममिम ओर्मिमङा सो़।”

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

लूका 13:29

मु़चु़मिम नेप्सुङ ओपानोम, नेप्सुङ गाम्पानोम, जेजु़ नुङ रायला खोत्‍ले सु़म्‍दिसेरलामका माम्‍चु़नीकु किब्‍दीडा ग्रुला पेप्‍डा गन्‍मी।

मत्ती 25:10

“लावो नेप्‍ची मान्‍थिम मे कन्‍या मेसेममिम तेल भ्रेप्‍डा लम्‍डिलो लारेपा रोक्‍फाड्‌डा, मा झो़म्‍सिक्‍साका बाट्‌पा कन्‍या मेसेममिम ने लारेपानुङ लालीकुन्‍दाकु ग्रुला पेखोपगोनो हुम्‍डी। मेम्‍मा लाम्‍चोको ख्‍लुन्‍सिड्‌डा।

लूका 12:37

उनी नेमडाम हप रोलो झो़म्‍जो़ल्‍सिट्‌पा डु़ल्‍चो़मिम आलाकाम सो़। आच्‍छाङा गो गानीलाई र्‍वाङु, मेरामका उ थ्‍वाक्‍पुरी खिम्‍सिमा मेर्मिमलाई गडु़मी, मा पोमु-डुमु ग्‍वाकु़मी।

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

लूका 22:16

हेङालोने गो गानीलाई र्‍वाङु, माम्‍चु़नीका किब्‍दी थो़मिलो ओराम ग्रुलाका रेम्‍बोमु मालु़मिम ल्‍वा होङङा मेरोक्‍थु़मसम्‍म आथाडा आनो गो ओराम ग्रुला मेपेउ।”