लूका 14:13 - थुलुङ राई

¹³ लावो गाना ग्रुला पेप्‍डा उनी हाम वो मेबाट्‌पामिम, ल्‍वा-खेल ब्‍लेट्‌पा, मेचापामिमलाई, मा उनी मिक्‍सीका मेल्‍वापामिमलाई येडामी,

लूका 14:13 Referans Kwoze

लूका 14:21

“मेकोतिमा डु़ल्‍चो़ ख्‍लोसिक्‍साका रोक्‍तामा नेमहपनुङ ओराम ल्‍वा सो़यु़डु़। मेम्‍मा उ नेमहपकु छोक्‍चो बक्‍तामा उ डु़ल्‍चो़लाई र्‍वाक्‍ता, ‘दाला लक्‍सामा शहरडाम डोक्‍पु याक्‍के लाम्‍दी-गुदीबाडेम उनी हाम वो मेबाट्‌पामिम, मेचापामिम, ल्‍वा-खेल ब्‍लेट्‌पामिम, मा मिक्‍सीका मेल्‍वापामिमलाई आसिन्‍डा रेडामी।’

हिब्रू 13:2

इनीमाडा रोक्‍पा वाङथो़म मु़चु़मिमकु चापे-डुपे बोमु मेप्‍ल्‍वानी, हेङालोने मेम बेसाकाङा याङ मु़चु़मिमका मेचक्‍साका पाह्रीचो़मिमकु चापे-डुपे बेम्‍डी।

मत्ती 22:10

मेकोतिमा डु़ल्‍चो़मिम लाम्‍दीबाडे लम्‍डी, मा मेर्मिमका डार्मिडिम जो़पा मेजो़पा खोत्‍ले मु़चु़लाई खोप्‍मिडी। मेम्‍मा बोच्‍चो़मिमका लालीकुन्‍दा दु़स्‍ताम नेम देम्‍स्‍ता।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

१ तिमोथी 3:2

मेम्‍मिमका बिशप दु़म्‍मु माल्‍पा ने सु़का वो मुमा बेन्‍मु मेचापा, कोलेङा नाइमे बाट्‌पा, इम्‍सिक्‍पा, मा त्‍वापलाई जो़होमका जु़ल्‍पा, खोत्‍लेका जो़पा मिम्‍मिमिम, बोच्‍चो़कु चापे-डुपे बेपा मा जो़होमका सीमु चापा दु़म्‍मिनु़।

तीतस 1:8

लावो बोच्‍चो़कु चापे-डुपे बेपा, जो़पा खारी बोमु द्‌वाक्‍पा, मिम्‍साका खारी बेपा, सु़डला वो चोमिक्‍सी मेबेसाका निया बेपा, न-गो सेपा मा त्‍वाका त्‍वापलाई जो़होमका जु़ल्‍मु चापा दु़म्‍मु बासी।

फिलेमोन 1:7

आमा ल्‍वाक, थो़रलु़पामिमलाई बेन्‍नाम इमा रिखामका गोलाई छो़म भ्रसिबेट्‌ङिडी, मा आमा सो हन्‍डा, हेङालोने माम्‍चु़नीकु मु़चु़मिमलाई गाना गेर्सी बेट्‌नामिम बु।

थु़र्मा 9:39

पत्रुस बक्‍तामा मेर्चिपनुङ लस्‍ता। पत्रुस योप्‍पाडा रोक्‍फाड्‌डामा मु़चु़मिमका गुलाई नेमडलाम बाखोपडला लम्‍डी। खोत्‍ले अर्दोमेमिमका ने तबीता मेर्मिम खोत्‍लेनुङ बाइडालो बनेबु़डु़म हुम-ये नुङ वाङमी ये रेम्‍बेत्तो पत्रुसलाई उर्मिडिमा ख्राप्‍मिडी।

लूका 11:41

गानी उनी हाम वो मेबाट्‌पामिमलाई इनी न-गो ग्‍वाक्‍नी। मेम्‍मा इनीमा लागि खोत्‍ले छेको-छेको दु़म।

मत्ती 15:30

खेल सोक्‍पा, मिक्‍सीका मेल्‍वापा, मेचापा, सि मेजेपा, मा वाङमिम हापा मु़चु़लाई रेसाका छो़म सेर्पा मु़चु़ येशूकाडा रोम्‍डी। मेर्मिमका मे नो़पा मु़चु़मिमलाई येशूकु ङादोडा गट्‌मिडी, मा गुमीका मेर्मिम खोत्‍लेलाई सबेट्‌मिडी।

लूका 14:12

मेकोतिमा येशूलाई ग्रुला पेप्‍डा येट्‌पा फरिसीलाई वो गुमीका र्‍वाम्‍डी, “इमा नेमडा नेम्‍फुम लावो सिन्‍थाम लावो ग्रुला पेप्‍डा येनामिलो इ वा-ल्‍वाकमिम, इ ङोप्‍सो़मिम, इ त्‍वाकु मु़चु़मिम नुङ खाप्‍चीचो़ साउखोरेमिमलाई कोङङा मेयेडामी। येट्‌नामी माला ने मेर्मिमका वो गानालाई येनामिमा इ फुली सोमी।

लूका 14:14

मा इमा फुली सोमु मेचापा मु़चु़मिमलाई येट्‌नामिमका माम्‍चु़नीकु न-गो होप्‍माम मु़चु़मिम सिमुलाम बमिमिमनेम माम्‍चु़नीका गानालाई पुरस्‍कार ग्‍वानामी।”