लूका 14:11 - थुलुङ राई

¹¹ हेङालोने उहेम मु़चु़का डोक्‍पु मिम्‍सी मेराम याक्‍के दु़म, मा उ त्‍वाप याक्‍के दु़म्‍पा मु़चु़ ने डोक्‍पु दु़म।”

लूका 14:11 Referans Kwoze

लूका 18:14

“गो गानीलाई र्‍वाङु, मे फरिसी मेएँ, कर फक्‍पा मु़चु़ माम्‍चु़नीकु न-गो होप्‍माम दु़स्‍तामा उ नेम ख्‍लोस्‍ता। हेङालोने उहेम मु़चु़का उ त्‍वापलाई डोक्‍पु मिम्‍सी मेरामलाई माम्‍चु़नीका याक्‍के दु़म्‍बेन्‍मी, मा उ त्‍वाप याक्‍के दु़म्‍पा मु़चु़ ने माम्‍चु़नीका डोक्‍पु दु़म्‍बेन्‍मी।”

मत्ती 23:12

उहेमका उ त्‍वापलाई डोक्‍पु मिम्‍सी मेराम याक्‍के दु़म, मा उहेमका उ त्‍वापलाई याक्‍के मिम्‍सी मेराम डोक्‍पु दु़म।

याकूब 4:6

लावो आरेप्‍माम मेजो़पा नमिमकु कोर्थो़लाम बमु गुमीका गुइलाई छो़म दिदामका सासामी, मेराम माम्‍चु़नीकु सिजेमका आरे र्‍वा: “माम्‍चु़नी डोक्‍पु लिसिक्‍पामिमकु कोर्थो़लाम बमी, लावो याक्‍के दु़म्‍पामिमलाई दिदामका सान्‍मी।”

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

याकूब 4:10

माम्‍चु़नीकु ङादोडा इनी त्‍वापङा याक्‍के दु़म्‍नी, मेम्‍मा गुमीका गानीलाई डोक्‍पु मिम्‍निमी।

लूका 1:51

गुमीका उनीमा ल्‍वाका उनीमा यु़म रेम्‍बेम्‍डिम बु, मा डोक्‍पु लिसिक्‍पामिमकु नगोडाम डोक्‍पु लिसिसी पुयु़ लुट्‌मिडिम बु।

लूका 1:52

गुमीका साखामचो़मिमलाई हाम ना हामकाम दु़म्‍बेट्‌मिडिम बु, मा याक्‍के दु़म्‍पामिमलाई डोक्‍पु बेम्‍डिम बु।

लूका 14:12

मेकोतिमा येशूलाई ग्रुला पेप्‍डा येट्‌पा फरिसीलाई वो गुमीका र्‍वाम्‍डी, “इमा नेमडा नेम्‍फुम लावो सिन्‍थाम लावो ग्रुला पेप्‍डा येनामिलो इ वा-ल्‍वाकमिम, इ ङोप्‍सो़मिम, इ त्‍वाकु मु़चु़मिम नुङ खाप्‍चीचो़ साउखोरेमिमलाई कोङङा मेयेडामी। येट्‌नामी माला ने मेर्मिमका वो गानालाई येनामिमा इ फुली सोमी।

याकूब 1:9

थो़रलु़पामिमगोडाम उ हाम वो मेबाट्पा याक्‍के मु़चु़लाई माम्‍चु़नीका डोक्‍पु बोमिमिम थारीकाम लागि गु छो़म गेर्सी द्‌वानु़,

१ पत्रुस 5:6

मेम्‍मिमका माम्‍चु़नीकु यु़मनुङमा गोजु़डा याक्‍के दु़म्‍साका बानी। मेम्‍मा गुमीका गानीलाई जो़पा थारीका खोत्‍लेडाम डोक्‍पु दु़म्‍बेनी।