लूका 13:34 - थुलुङ राई

³⁴ “यरूशलेमडाम मु़चु़नी, गानी माम्‍चु़नीलाम-जेपामिमलाई सेनी, मा माम्‍चु़नीका इनीमाडा थु़र्मीडिम सेलाचो़मिमलाई लुङका ओम्‍निमी। घ्‍लोमीका बुब्‍लोमिमलाई उ लाप्‍तेरगोयु़ बोडु़-थारु़मिमिम होङङा गो गानीलाई कोदेप खोम्‍मु छो़म माल्‍निनी, लावो गानी मेम बोमु मेग्‍वाङनिवा।

लूका 13:34 Referans Kwoze

थु़र्मा 7:52

इनीमा ङाउ-खुउमिमका दु़खा मेग्‍वाक्‍मिवाम माम्‍चु़नीलाम-जेपा सु़ बुमी मा? माम्‍चु़नीकु नङका साट्‌मा मेराम उनी डु़ल्‍चो़ रोक्‍तोङा बोमी र्‍वाक्‍साका सेला थो़बेट्‌पा माम्‍चु़नीलाम-जेपामिमलाई वो मेर्मिमका सेट्‌मिडी। गानी ने माम्‍चु़नीकु डु़ल्‍चो़कु कोर्थो़लाम बक्‍निमा सेट्‌नी।

लूका 23:28

लावो मे मेसेममिमथो़ ख्‍लोसिम्‍डिमा येशूका र्‍वाम्‍डी, “यरूशलेमडा बाट्‌पा रिचो़नी, गानी आमा लागि मेख्राप्‍नी। लावो त्‍वाकाम लागि नुङ इनी चो़मिमकाम लागि ख्राप्‍नी।

लूका 19:44

मेकोतिमा मेर्मिम मु़चु़का इनी शहर फाल्‍मी, मा मेगोडा बाट्‌पा गानी खोत्‍लेलाई सेनिमी। मेगोडा चिर्मा कोले लुङ वो मेर्मिमका मेजु़ल्‍मी। हेङालोने माम्‍चु़नीका गानीलाई सेल्‍ला योम्‍डिम जो़पा थारीडा थो़रलु़मु गानी मेद्‌वानिवा।”

मत्ती 22:6

याङका हपकु डु़ल्‍चो़मिमलाई चु़म्‍मिडिमा सेम्‍ला बेट्‌मिडी, मा मेर्मिमलाई सेट्‌मिडी।

मत्ती 22:3

ग्रुला पेप्‍डा येड्‌डु़मिम बोच्‍चो़लाई येड्‌डा गुका उ डु़ल्‍चो़मिमलाई थु़र्स्‍तु़मी। लावो मेर्मिम रोमु मेबिम्‍सिप्‍मिवा।

रेम्‍बेट्‌मिडिम ल्‍वा 11:8

मेर्चिपकु सिपा मिरो़म मु़चु़मिमका उनी ङाचो़ येशूलाई क्रूसडा चेट्‌मिडिम डोक्‍पु शहरडाम डोक्‍पु लाम्‍दीबाडे चार्जो़ल्‍मिमिम दु़म। मेराम शहरकाम रेम्‍बेपा छेखोप सदोम नुङ मिश्र र्‍वामी।

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

थु़र्मा 7:59

मेर्मिमका स्‍तिफनसलाई लुङका ओप्‍मिडिम बाम्‍डिलो ङा स्‍तिफनसका सो़म्‍दी बु़डु़, “ङाचो़ येशू, गो गानीनुङ दु़म्‍ङुनु़।”

लूका 15:28

“ओराम ल्‍वा थो़स्‍तु़मा उ वाकाम छोक्‍चो बक्‍ता, मा नेमगोनो वो लमु मेबिसावा। लावो उ पाप पाखा लुक्‍तामा उ चो़लाई नेमगोनो बिकामा बिका बु़डु़।