लूका 13:33 - थुलुङ राई

³³ मेम्‍ङालोवो आनेप दिका, मा नाहाद्‌दा वो गो खारी बोमुम बुमु बासी, हेङालोने माम्‍चु़नीकु शहर यरूशलेमडा कोङङा माम्‍चु़नीलाम-जेपा आच्‍छाङा सिमी।

लूका 13:33 Referans Kwoze

लूका 9:53

लावो येशू मेलामका यरूशलेमथो़ङा लमी र्‍वाक्‍पा चम्‍डिमा सामरियाडाम मु़चु़मिमका गुमीलाई हुनाखाना मेबेमिवा।

मत्ती 21:11

सेर्पा मु़चु़का र्‍वाम्‍डी, “गुमी गालीलडाम नासरत देललामका बिम्‍डिम माम्‍चु़नीलाम-जेपा येशू।”

थु़र्मा 13:27

लावो यरूशलेमडा बाट्‌पा मु़चु़मिम नुङ उनी साखामचो़मिमका येशू सेल्‍पा बुमी र्‍वाक्‍साका मेछेमिवा। माम्‍चु़नीलाम-जेपामिमकु सिजेम ङेम्‍सिमु-ङेम्‍सिमुनेम हेल्‍लो लोवो डान्‍थाल्‍मिडी, लावो थेसिमेथेट्‌मिवा। येशूलाई मेर्मिमका देन्‍दे ग्‍वाक्‍साका मे माम्‍चु़नीकु सिजेमडा र्‍याक्‍मा होङङा रेन्‍थिम्‍डी।

मत्ती 20:18

“गुइ यरूशलेमथो़ लक्‍तोङा बिइ। मेसिन्‍डा मिनीचो़लाई ङाउ डु़म्‍लाचो़मिम नुङ डु़म्‍ला सीपा पातु़म्‍रीमिमकु ल्‍वाड्‌डा भ्रेन्‍मी। मेर्मिमका गुलाई मुमा बेन्‍मिमा सेन्‍मु बासी र्‍वामी।

यूहन्‍ना 11:54

मेम्‍मिमका यहूदीमिमकु ङादोडा ल्‍वाहोमका येशू मेबामिवा। मेम्‍मेबेसाका, गुमी र्‍याङगो-र्‍याङगो फार्डाम एफ्राइम र्‍वाक्‍मा देलडा लम्‍डी। मेम्‍मा उनी सीसिपामिमनुङ मेसिन्‍डा बाम्‍डी।

यूहन्‍ना 9:4

गोलाई थु़र्पाकु खारीमिम नेप्‍सुङ बुलोङा गुइ बोमु बासी। सिन्‍था दु़म्‍मा सु़का वो खारी बोमु मेचाप्‍सु़।

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

यूहन्‍ना 11:9

येशूका र्‍वाम्‍डी, “हाम कोलेमका को-न (१२) घण्‍टा मेदु़म मा? नेप्‍सुङ बुलो लाम्‍दिपा मु़चु़का उमा खेल मेतुकु़, हेङालोने गुका ओराम सु़म्‍दिसेरकु ओल ल्‍वासु़।