लूका 13:29 - थुलुङ राई

²⁹ मु़चु़मिम नेप्सुङ ओपानोम, नेप्सुङ गाम्पानोम, जेजु़ नुङ रायला खोत्‍ले सु़म्‍दिसेरलामका माम्‍चु़नीकु किब्‍दीडा ग्रुला पेप्‍डा गन्‍मी।

लूका 13:29 Referans Kwoze

थु़र्मा 28:28

“मेम्‍मिमका गानी ओराम चनी, माम्‍चु़नीकाम सेल्‍सिक्‍पा ओराम सेला गुमीका वाङसामामिमकाडा थु़र्मिडिम बु, मा मेर्मिमका थो़मी।”

कलस्‍सी 1:23

लावो गानी इनीमा नडा मेमुर्सिक्‍साका नुङ आनो-मेनो मेबासिक्‍साका थो़र बोमुम बुमु बासी, मा गानी जो़पा-सेला थो़न्‍निलो हाम-हुम ल्‍वापा न ल्‍वान्‍निम डिसिमेनु़। ओराम सेला माम्‍चु़नीकु खारीचो़मिमका सु़म्‍दिसेर खोत्‍लेथो़म मु़चु़मिमलाई थो़बेट्‌मिडी, मा गो पावल आ त्‍वाप वो ओराम सेला थो़बेट्‌पा सेलाचो़ दु़म्‍ङोडोम बु।

मर्कूस 13:27

मेकोतिमा गुमीका पाह्रीचो़मिमलाई सुबु नुङ धामु खोत्‍लेथो़ थु़र्मी, मा मेर्मिमका खोत्‍लेलामका माम्‍चु़नीका छेट्‌मिडिम खोत्‍लेलाई कोदेप बोमिमा रेन्‍मी।

मत्ती 8:11

गो गानीलाई र्‍वाङु, नेप्सुङ ओपाथो़ नुङ नेप्सुङ गाम्पाथो़म सु़म्‍दिसेर खोत्‍लेलामका वाङसामा मु़चु़मिम हापा रोमी। मेम्‍मा अब्राहाम, इसाहक, याकूबनुङ पाह्री-किब्‍दीडा ग्रुला पेप्‍डा मेर्मिम गन्‍मी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

लूका 13:30

लावो ओम्‍लो सु़ याक्‍के बु मेराम दिफु डोक्‍पु दु़म, मा सु़ डोक्‍पु बु मेराम याक्‍के दु़म।”