लूका 13:28 - थुलुङ राई

²⁸ “गानी अब्राहाम, इसहाक, याकूब मा माम्‍चु़नीलाम-जेपामिम खोत्‍लेलाई माम्‍चु़नीकु किब्‍दीगोडा ल्‍वानी, लावो गानी ने पाखानो पार्ला सो़न्‍सिनी। मेम्‍मिमका गानी ख्राम्‍नी, मा इनी लि ख्रेनी।

लूका 13:28 Referans Kwoze

मत्ती 25:30

हाम्‍ता वो मेमोकिमिम मेराम डु़ल्‍चो़लाई मु़चु़मिम ख्राप्‍मी, मा उनी लि ख्रेन्‍मिमिम तुकुम्‍चिमगोडा घ्रोन्‍सोट्‌नी।’

मत्ती 22:13

“मेकोतिमा हपका उ ख्‍लो़या-बाया बेपामिमलाई र्‍वाक्‍ता, ‘मेरामकु ल्‍वा-खेल बसाका मु़चु़मिम ख्राप्‍मिमिम नुङ उनी लि ख्रेन्‍मिमिम पाखानोम तुकुम्‍चिमगोडा घ्रोक्‍नी।’

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”

२ थेसलोनिकी 1:5

माम्‍चु़नीका जो़होमका निया बोमी मा उनीमा किब्‍दीकाम लागि गानी घ्रेट्‌पा दु़म्‍निम बु र्‍वाक्‍पा इनीमा दु़खाका रेम्‍बु़।

रेम्‍बेट्‌मिडिम ल्‍वा 22:15

मे शहरकु पाखानो ने ख्‍लेबामिम, मुनाङका थो़पा सो़र्मुनुङमामिम, मु़चु़ सेट्‌पामिम, ङाटा सेव साट्‌पामिम, नुङ लिमा थेन्‍मु द्‌वाक्‍पामिम मा मेमङा बेपाम बाट्‌पामिम दु़म्‍मी।

२ पत्रुस 1:11

मेम्‍मा इकी ङाचो़ नुङ गुइलाई सेल्‍पा येशू ख्रीष्‍टकाम हेल्‍लो लोवो दु़म्‍पाम बाट्‌पा किब्‍दीगोनो हुमु गानीलाई छो़म हुनाखाना दु़म।

लूका 16:23

मे खाप्‍चीचो़कु पेलका खादीगोयु़ छो़म मेझापा दु़खा इम्‍तोङा लेड्‌डु़। मेकोतिलो गुका अब्राहामनुङ गन्‍तासिट्‌पा लाजरसलाई ल्‍वास्‍तु़।

लूका 14:15

येशूनुङ ग्रुला पेप्‍डा गन्‍पामिमगोडाम कोले मु़चु़का ओराम ल्‍वा थो़स्‍तु़मा गुमीलाई र्‍वाक्‍ता, “उहेमका माम्‍चु़नीकु किब्‍दीडा ग्रुला पु़ मेराम आलाकाम सो़।”

लूका 10:15

ए कफर्नहुमडाम मु़चु़नी, हाम गानी इनी त्‍वाप ङा पाह्रीथो़ कोसिन्‍कु र्‍वाक्‍पा मिम्‍नी? गानी ने खादीयु़ डन्‍सिनी।”

मत्ती 24:51

मेम्‍मा नेमहपका मेरामलाई छो़म इम्‍मु मेझापा देन्‍दे ग्‍वाकु़, मा नेमहपका र्‍वामिम थो़पा लिसिक्‍पा मु़चु़मिम बाखोपडा घ्रोक्‍सोकु़। मेसिन्‍डा मु़चु़मिम ख्राप्‍मी, मा उनी लि ख्रेन्‍मी।”

मत्ती 13:50

मा मेर्मिमलाई वाक्‍तोङा लेट्‌पा मुगोडा घ्रोम्‍सोमी। मु़चु़मिम मेसिन्डा येमी, मा उनी लि ख्रेन्‍मी।”

मत्ती 13:42

मेम्‍मा वाक्‍तोङा लेट्‌पा मुगोडा मु़चु़मिमलाई घ्रोम्‍सोमी, मा मेर्मिमका ख्राप्‍तो उनी लि ख्रेन्‍मी।