लूका 13:24 - थुलुङ राई

²⁴ “माम्‍चु़नीकु किब्‍दीगोडा हुपा कतिभापा लाम्‍चोकोलाम मेचाप्‍तो हुनी, हेङालोने हापा मु़चु़मिमका मेगोनो हुमु माल्‍मी, लावो हुमु मेचाम्‍मी।

लूका 13:24 Referans Kwoze

२ पत्रुस 1:10

मेम्‍मिमका वा-ल्‍वाकनी, माम्‍चु़नीका गानीलाई येट्‌निम नुङ छेट्‌निम र्‍वाक्‍पा रेम्‍बोमु छो़म सो हन्‍पा दु़म्‍नी। गानी आरे बोनी माला इनी थो़रडाम हेल्‍लो वो ताङताहेरथो़ मेलनी।

हिब्रू 4:11

मेम्‍मिमका गुइ माम्‍चु़नीकु ङेसिक्‍पा खोमगोनो हुमु माली। माकेम मु़चु़मिम होम्‍साका थो़र मेलु़साका मे ङेसिक्‍पा खोमगोनो हुमु मेचापा मेदु़म्‍सी।

लूका 21:36

लावो आरेप्‍माम खोत्‍ले ल्‍वामिमडाम वाङ दु़म्‍साका मिनीचो़कु ङादोडा येम्‍सिमु चामु लागि चङचङया बात्तो सो़म्‍दी बेनिम बानी।”

यूहन्‍ना 6:27

फिपामा ब्‍लाम-ब्‍लाम दु़म्‍पा पोमुडुमुकाम लागि ब्राम्‍दु़ल्‍वा मेबेनी, लावो हेल्‍लो वो मेफिपा, मा त्‍वारो़म ग्‍वाक्‍पा पोमुडुमुकाम लागि ब्राम्‍दु़ल्‍वा बेनी, उहेम त्‍वारो़म मिनीचो़का गानीलाई ग्‍वानी। हेङालोने माम्‍चु़नी पापका उनी साखामकु छाप गुडला ओप्‍मिडिम बु।”

रोमी 10:3

हेङालोने माम्‍चु़नीलाम रोक्‍पा जो़पा नकु दुथाम मेथेसाका मेर्मिमका त्‍वाकु न-गो होम्‍साका जो़पा दु़म्‍मु माल्‍मी। मेम्‍साका मेर्मिम माम्‍चु़नीकु जो़पा न-गोडाम साखामगोडा मेदु़म्‍मिवा।

कलस्‍सी 1:29

ख्रीष्‍टका गोगोडा ग्‍वाङ्‍डिमिम डोक्‍पु यु़मलामका गो ओरामकाम लागि छो़म ब्राम्‍दु़ल्‍वा बेउ।

यूहन्‍ना 7:34

गानी गोलाई माल्‍ङिनी, लावो मेल्‍वाङिनी, मा गो बान्‍ते दु़म्‍ङु मेसिन्‍डा गानी रोमु मेचाम्‍नी।”

यूहन्‍ना 8:21

आथावो येशूका मेर्मिमलाई र्‍वाम्‍डी, “गो ओलामका लङु मा गानी गोलाई माल्‍ङिनी, लावो गानी इनीमा छु़लडा सिनी। गो बान्‍ते लङु मेसिन्‍डा गानी रोमु मेचाम्‍नी।”

मत्ती 11:12

कु-रु़दु़म ग्‍वाक्‍पा यूहन्‍ना बाइडालो आथाम ओम्‍लोसम्‍म पाह्री-किब्‍दी छो़मका बर्तोङा लेडु़, मा छो़म माल्‍तोङा लेट्‍पामिम ओरामगोनो हुत्तो लेन्‍मी।

यूहन्‍ना 13:33

“ए चो़च्‍चो़नी, गो गानीनुङ घरिकोङ कोङङा दु़म्‍ङु। गानी गोलाई माल्‍ङिनी, मा यहूदीमिमलाई र्‍वाङ्‌डोम होङ्‍ङा गानीलाई वो र्‍वाङु, गो बान्‍ते लक्‍तोङा लेट्‌पु, मेसिन्‍डा गानी रोमु मेचाम्‍नी।

लूका 13:23

मेकोतिलो कोले मु़चु़का गुमीलाई हिलाबु़डु़, “ङाचो़, हाम कतिकलङ मु़चु़मिम कोङङा सेल्‍सिट्‌मिमिम?” लावो गुमीका मेर्मिमलाई र्‍वाम्‍डी,

यूहन्‍ना 5:4

मिप्रङमाकु कोले पाह्रीचो़ थारी-थारीका योक्‍थाल्‍लामा मे दिनडाम कु थो़ट्‌थाल्‍लु़। मेम्‍मा मे कु दोमिम चङडा ङादो मेगोनो हुपा मु़चु़ हेप्‍माम सोमोरीनुङमा लोवो सस्‍थाल्‍ला।]