लूका 13:19 - थुलुङ राई

¹⁹ मेराम रायो भ्रलकु कोले मा होप्‍माम बु सो़, मेराम कोले मु़चु़का लमा उ येडा फोड्‌डु़, मा मेराम बर्डामा डोक्‍पु धक्‍सा दु़स्‍ता। मेकोतिमा चक्‍पुमिमका मेरामकु ग्रेमडला पान्‍जी बनेबेम्‍डी।”

लूका 13:19 Referans Kwoze

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

थु़र्मा 21:20

ओराम थो़म्‍डिमा मेर्मिमका माम्‍चु़नीकु नङ कोम्‍डी। मेकोतिमा मेर्मिमका पावलनुङ र्‍वाम्‍डी, “रेप्‍नी छारी, यहूदीमिमगोडा थो़रलु़पामिम छो़म सेर्पा बुमी, मा मोशाकु डु़म्‍ला होम्‍साका खारी बोमु मेर्मिम चङको-चङको बुमी।

मत्ती 17:20

गुमीका मेर्मिमलाई र्‍वाम्‍डी, “इनी थो़र याक्‍के बुमिमका। आच्‍छाङा गो गानीलाई र्‍वाङु, रायाकु मा हेप्‍माम याक्‍के वो थो़र गानीनुङ बु माला ओराम पोप्‍चङलाई ‘ओलामका हेम्‍ल्‍यासिडा’ र्‍वानी माला मेराम हेम्‍ल्‍यासी। गानी बोमु मेचाम्‍निमिम हाम वो मिबु।

रेम्‍बेट्‌मिडिम ल्‍वा 11:15

येतनोम पाह्रीचो़का उ भुम डु़प्‍डु़, मा पाह्रीला आरे र्‍वाक्‍पा डोक्‍पु लो़लाममिम येम्‍डी, “सु़म्‍दिसेरडला साखाम थो़पा यु़म इकीमा ङाचो़ नुङ उनीमा ख्रीष्‍टकाम दु़स्‍ता, मा गुमीका हेल्‍लो लोवो साखाम थो़मिम बुमिमिम दु़म।”

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

लूका 17:6

ङाचो़ येशूका मेर्मिमलाई र्‍वाम्‍डी, “गानीनुङ रायोकु कोले मा कोतिम याक्‍के थो़र बु माला ने गानी ओ नापातु़मकु धक्‍सालाई ‘बुल्‍सामा दिरिदिनयु़ क्रोसा’ र्‍वानी माला मेरामका गानी र्‍वानिमिम होङङा बु़।

मर्कूस 4:30

येशूका आथावो र्‍वाम्‍डी, “माम्‍चु़नीकु किब्‍दी हामनुङ थो़म्‍मु, मा हेप्‍माम सीसि-सो़म्‍दीडा सो़मु?